ପ୍ରୟାଗରାଜ: ଜ୍ଞାନବାପି ମସଜିଦ ପରିସରରେ ହେବାକୁ ଥିବା ଏଏସଆଇ ସର୍ଭେ ଉପରେ ସୁପ୍ରିମକୋର୍ଟ ଲଗାଇଥିବା ସ୍ଥଗିତାଦେଶ ଆଜି ଶେଷ ହେଉଥିବାବେଳେ ଆହ୍ଲାବାଦ ହାଇକୋର୍ଟ ଏହି ସମୟକୁ ଆସନ୍ତା କାଲି ପର୍ଯ୍ୟନ୍ତ ବଢାଇଦେଇଛନ୍ତି । ଗୁରୁବାର କୋର୍ଟ ଏହି ମାମଲାର ପୁନର୍ବାର ଶୁଣାଣି କରିବେ । ହାଇକୋର୍ଟର ମୁଖ୍ୟ ବିଚାରପକି ପ୍ରିତିଙ୍କର ଦିଓ୍ବାକରଙ୍କୁ ନେଇ ଗଠିତ ଜଣିକିଆ ଖଣ୍ଡପୀଠ ଏହାର ଶୁଣାଣି କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଶୁଣାଣି ସମୟରେ ଏଏସଆଇର ଜଣେ ଅଧିକାରୀ ହାଇକୋର୍ଟଙ୍କୁ କହିଥିଲେ ଯେ ଜୁଲାଇ ୨୪ ତାରିଖ ସକାଳ ୯ଟାରେ ଆମେ ସର୍ଭେ ଆରମ୍ଭ କରିଥିଲୁ। ସର୍ବେକ୍ଷଣ ଆରମ୍ଭ ହୋଇଥିଲା ଏବଂ ପରେ ସ୍ଥଗିତାଦେଶ ଜାରି କରାଯାଇଥିଲା। ଏହା ଉପରେ ହାଇକୋର୍ଟ ପଚାରିଥିଲେ ସର୍ଭେ କରିବା ପାଇଁ ଆଉ କେତେ ସମୟ ଦରକାର? ଏଥିପାଇଁ କେତେ ସମୟ ଲାଗିବ ତାହା ଜଣାପଡ଼ିନାହିଁ ବୋଲି ଏଏସଆଇ ଅଧିକାରୀ କହିଛନ୍ତି ।
ଏହା ପୂର୍ବରୁ ଜ୍ଞାନବାପି କ୍ୟାମ୍ପସର ଏସଆଇ ସର୍ଭେ ବିରୋଧରେ ମୁସଲିମ ପକ୍ଷ ପକ୍ଷରୁ ଦାଖଲ ହୋଇଥିବା ଆବେଦନର ଶୁଣାଣି ହୋଇଥିଲା । କୋର୍ଟରେ ମୁସଲିମ ପକ୍ଷ ପକ୍ଷରୁ ବରିଷ୍ଠ ଆଇନଜୀବୀ ସୟଦ ଫରମନ ନକଭି ପୁରୀ ଓ ଆଇନଜୀବୀ ବିଷ୍ଣୁ ଶଙ୍କର ଜୈନ ଯୁକ୍ତି ଉପସ୍ଥାପନ କରିଥିଲେ।
ଶୁଣାଣି ବେଳେ ମୁସଲିମ ପକ୍ଷ ଯୁକ୍ତି ବାଢିଥିଲେ ଯେ ସର୍ଭେ କରାଗଲେ କୋଠା ପ୍ରତି ବିପଦ ସୃଷ୍ଟି ହେବ । ଅନ୍ୟପକ୍ଷରେ ହିନ୍ଦୁ ପକ୍ଷ ସର୍ଭେ ସପକ୍ଷରେ ଯୁକ୍ତି କରିଥିଲା ।