ବଜ୍ରାଘାତରେ ୫୭ ମୃତ

ନୂଆଦିଲ୍ଲୀ: ୟୁପି, ବିହାର ଓ ଝାଡଖଣ୍ଡରେ ଆଜି ବଜ୍ରପାତ ଯୋଗୁଁ ଅନ୍ୟୁନ ୫୭ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ଜଣରୁ ଅଧିକ ବ୍ୟକ୍ତି ଗୁରୁତର ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୟୁପିର ୩୦, ବିହାରର ୧୭ ଓ ଝାଡଖଣ୍ଡର ୧୦ ଜଣ ରହିଛନ୍ତି। ଆସନ୍ତା ୧୦ ତାରିଖରେ ଏହିସବୁ ରାଜ୍ୟରେ ଝଡତୋଫାନ ହେବାନେଇ ଆଶଙ୍କା ଥିବା ପାଣିପାଗ ବିଭାଗ ପକ୍ଷରୁ ସୂଚନା ଜାରି କରାଯାଇଛି। ଚଳିତବର୍ଷ ବଜ୍ରପାତ ଜନିତ ମୃତ୍ୟୁସଂଖ୍ୟା ବୃଦ୍ଧି ପାଇଥିବାରୁ ଲୋକଙ୍କୁ ସତର୍କ ରହିବାକୁ କୁହାଯାଇଛି।