କାନପୁର: ଆଜି ଉତ୍ତରପ୍ରଦେଶ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ (ୟୁପିଏମ୍ଏସ୍ପି)ର ୧୦ମ ଶ୍ରେଣୀ ଫଳାଫଳ ପ୍ରକାଶ ପାଇଛି | ୟୁପି ବୋର୍ଡ ହାଇସ୍କୁଲ ପରୀକ୍ଷାରର ଫଳାଫଳର ଟପ-୧୦ରେ ୨୭ ଜଣ ଥିବାବେଳେ ସେମାନଙ୍କ ମଧ୍ୟରୁ କେବଳ ୮ ଜଣ ଛାତ୍ର ଥିବାବେଳେ ୧୯ ଜଣ ଛାତ୍ରୀ ରହିଛନ୍ତି | ତେବେ କାନପୁରର କିରଣ କୁଶୱା ୟୁପି ବୋର୍ଡ ହାଇସ୍କୁଲରେ ୬୦୦ ରୁ ୫୮୫ ମାର୍କ ହାସଲ ଟପ-୧୦ ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି। କାନପୁରର ଶିବାଜୀ ଇଣ୍ଟର କଲେଜ ଆରାର ଛାତ୍ରୀ କିରଣଙ୍କ ପିତା ସଞ୍ଜୟ କୁମାର ପିକଅପ୍ ଚଳାଉଥିବାବେଳେ ତାଙ୍କର ଆଉ ୪ ଜଣ ଭଉଣୀ ଅଛନ୍ତି। କିରଣ ସବୁଠାରୁ କନିଷ୍ଠ ହୋଇଥିବାବେଳେ ମାତା ରୁମା ଦେବୀ ଜଣେ ଗୃହିଣୀ | ପରିବାର, ଶିକ୍ଷକ ଏବଂ ଭଗବାନଙ୍କ କୃପା ଦ୍ୱାରା ଏହି ସଫଳତା ହାସଲ କରିପାରିଛି ବୋଲି କିରଣ କହିଛନ୍ତି। ତାଙ୍କ ମା ରୁମା ଦେବୀ କହିଛନ୍ତି ଯେ ସେ ତାଙ୍କ ଝିଅକୁ ଶିକ୍ଷିତ କରିବାକୁ ଚାହୁଁଛନ୍ତି, କିନ୍ତୁ ଆର୍ଥିକ ଅବସ୍ଥା ସ୍ଵଛଳ ନଥିବାରୁ ଏହା କଷ୍ଟକର ହୋଇପଡୁଛି | କରୋନା ସମୟରେ ଘରର ଆର୍ଥିକ ଅବସ୍ଥା ଆହୁରି ଖରାପ ହୋଇଯାଇଥିଲା ଏବଂ ସେ ଝିଅର ସ୍କୁଲ ଫି ମଧ୍ୟ ଜମା କରିପାରିନଥିଲେ। ସେତେବେଳେ ଝିଅର ପାଠପଢ଼ାରେ ଡୋରି ବାନ୍ଧିବା ଭଳି ସ୍ଥିତି ଆସିଯାଇଥିଲା |
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଝିଅ କିରଣ କହିଥିଲେ ଯେ,’ମା, ମୋତେ ପଢିବାକୁ ଦିଅ | ମୁଁ ଆମର ଏହି ଅବସ୍ଥାକୁ ବଦଳାଇଦେବି | କିରଣ କହିଛନ୍ତି ଯେ, ‘ମୁଁ ଦାରିଦ୍ର୍ୟକୁ ଅତି ନିକଟରୁ ଦେଖିଛି। ମୋତେ ଅଧିକ ପାଠ ପଢିବାକୁ କରିବାକୁ ପଡିବ ଏବଂ ଦେଶର ଗରିବ ଲୋକଙ୍କୁ ସେବା କରିବାକୁ ପଡିବ | ସେମାନଙ୍କ ଜୀବନକୁ ଉନ୍ନତ କରିବା ପାଇଁ ଏହି କାର୍ଯ୍ୟ କରିବାକୁ ପଡିବ | ସେ କହିଛନ୍ତି ଯେ ଯେତେବେଳେ କରୋନା ଅବଧିରେ ଲକଡାଉନ ହୋଇଯାଇଥିଲା, ସେତେବେଳେ ତାଙ୍କ ପରିବାରକୁ ଖାଦ୍ୟ ପାଇଁ ମଧ୍ୟ ସଂଘର୍ଷ କରିବାକୁ ପଡୁଥିଲା। ବାପାଙ୍କ ପାଖରେ କୌଣସି କାମ ନଥିଲା |
ଏହି ସମୟରେ ଯେତେବେଳେ ଅନଲାଇନରେ ପାଠପଢ଼ା ଆରମ୍ଭ ହେଲା, ମୋ ପାଖରେ ମୋବାଇଲ୍ କିମ୍ବା ଲାପଟପ୍ ନଥିଲା | ମୁଁ କିଭଳି ପାଠ ପଢ଼ିବି ସେଥିପାଇଁ ବଡ଼ ଭଉଣୀ ପୂଜା ମୋ ପାଇଁ ଏକ ମୋବାଇଲ୍ କିଣିଥିଲେ | ଯାହାଦ୍ୱାରା ମୁଁ ପଢ଼ିପାରିଥିଲି |