ନୂଆଦିଲ୍ଲୀ: ବେଳେବେଳେ କିଛି ପରିସ୍ଥିତି ଜଣଙ୍କୁ ଅପରାଧୀ ସଜାଇଦେଇଥାଏ | ଛୋଟ ବିବାଦରୁ ମନରେ କୁହୁଳୁଥିବା ପ୍ରତିଶୋଧ ଜଣଙ୍କୁ ଅପରାଧର ଗଳି ଆଡକୁ ଟାଣିନେଇଥାଏ | ଆଜି ଆମେ ଆପଣଙ୍କୁ ଏମିତି ଜଣେ ଅପରାଧୀଙ୍କ ବାବଦରେ କହିବୁ ଯାହାଙ୍କୁ ଧରିବା ପାଇଁ ପୁଲିସ ନୟାନ୍ତ ହୋଇଯାଇଥିଲା | ସେଥିପାଇଁ ତ ଏହି ଅପରାଧୀକୁ ଧରିବା ପାଇଁ ପୁଲିସ ପୁରସ୍କାର ରାଶି ମଧ୍ୟ ଘୋଷଣା କରିଥିଲା | ଦିଲ୍ଲୀ ପୁଲିସର ହେପାଜତରୁ ଫେରାର ହୋଇଯାଇଥିବା ଦୁର୍ଦ୍ଦାନ୍ତ ଅପରାଧୀ କୁଲଦୀପ ସିଂହ ଦିଲ୍ଲୀ ପୁଲିସର ଏନକାଉଣ୍ଟରରେ ନିହତ ହୋଇଛି |
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଖୁବ କମ ଲୋକ ଜାଣନ୍ତି ଯେ ଏନକାଉଣ୍ଟରରେ ପ୍ରାଣ ହରାଇଥିବା କୁଲଦୀପ ସିଂହ ଜଣେ ମେଧାବୀ ଛାତ୍ର ଥିଲେ | କୁଲଦୀପ ଦିଲ୍ଲୀ ବିଶ୍ୱବିଦ୍ୟାଳୟର ସବୁଠାରୁ ପ୍ରତିଷ୍ଠିତ କଲେଜ କିରୋଡିମଲ କଲେଜରେ ପଢୁଥିଲା | ସେ ୨୦୧୩ ମସିହାରେ ଏହି କଲେଜର ଉଦ୍ଭିଦ ବିଜ୍ଞାନ ବା ବଟନି ଅନର୍ସରେ ଟପ୍ପର ହୋଇଥିଲା | ତେବେ ନିଜ ଗାଁରେ ହୋଇଥିବା ଏକ ସାମାନ୍ୟ ବିବାଦର ପ୍ରତିଶୋଧ ନେବାକୁ ସେ ଅପରାଧ ଦୁନିଆରେ ପାଦ ଥାପିଥିଲା | ଆଉ ଏହା ପରେ ସେ ଆଉ ପଛକୁ ଫେରି ଚାହିଁନଥିଲା |
ଗାଁ ବିବାଦରେ ପ୍ରତିଶୋଧ ନେବା ପରେ ସେ କଲମ ବଦଳରେ ହାତରେ ବନ୍ଧୁକ ଉଠାଇଥିଲା ଓ ଲୁଟ, ହତ୍ୟାକାଣ୍ଡ ଭଳି ସଂଗୀନ ମାମଲାରେ ତା ନାମ ଆସିଥିଲା | ସୂଚନା ଥାଉ କି ରବିବାର ଦିନ ବିଳମ୍ବିତ ରାତିରେ ଦିଲ୍ଲୀ ପୁଲିସର ସ୍ପେଶାଲ ଟିମର ଏନକାଉଣ୍ଟରରେ ଅପରାଧୀ କୁଲଦୀପ ନିହତ ହୋଇଥିଲା |