ମୋଦୀ ସରକାରଙ୍କ ବଡ ନିଷ୍ପତ୍ତି: ବର୍ତ୍ତମାନ ସୂଚନା ଏବଂ ପ୍ରସାରଣ ମନ୍ତ୍ରାଳୟ ଅଧୀନକୁ ଆସିବ ସମସ୍ତ ଅନଲାଇନ୍ ନ୍ୟୁଜ୍ ଏବଂ ଓଟିଟି ପ୍ଲାଟଫର୍ମ

ନୂଆଦିଲ୍ଲୀ: କରୋନା ମହାମାରୀ ମଧ୍ୟରେ ମୋଦୀ ସରକାର ଏକ ବଡ ପଦକ୍ଷେପ ନେଇଛନ୍ତି।  ଏବେ ଅନଲାଇନ୍ ନ୍ୟୁଜ୍ ପୋର୍ଟାଲ୍, ଅନ୍ଲାଇନ୍ ବିଷୟବସ୍ତୁ ପ୍ରଦାନକାରୀ ଓଟିଟି ପ୍ଲାଟଫର୍ମ ସବୁ ସୂଚନା ଏବଂ ପ୍ରସାରଣ ମନ୍ତ୍ରାଳୟ ଅଧୀନକୁ ଆସିବ। ଏଥିପାଇଁ ସରକାର ଏକ ବିଜ୍ଞପ୍ତି ଜାରି କରିଛନ୍ତି। ଦୀର୍ଘ ଦିନ ଧରି ସରକାର ଅନଲାଇନ୍ ବିଷୟବସ୍ତୁ ପ୍ରଦାନକାରୀଙ୍କ ବିଷୟରେ ଚିନ୍ତା କରୁଥିଲେ। ସୁପ୍ରିମକୋର୍ଟରେ ଏକ ମାମଲାର ଶୁଣାଣି ସମୟରେ ମଧ୍ୟ ସରକାର କହିଥିଲେ ଯେ ଟିଭି ଅପେକ୍ଷା ଅନଲାଇନ୍ ମିଡିଆର ନିୟନ୍ତ୍ରଣ ଅଧିକ ଗୁରୁତ୍ୱପୂର୍ଣ୍ଣ।

ଦେଶରେ ମୁଦ୍ରିତ ଗଣମାଧ୍ୟମ ପାଇଁ ପ୍ରେସ କାଉନ୍ସିଲ୍, ନ୍ୟୁଜ ଚ୍ୟାନେଲ ପାଇଁ ବ୍ରୋଡକାଷ୍ଟର୍ସ ଆସୋସିଏସନ ଏବଂ ବିଜ୍ଞାପନ ପାଇଁ ବିଜ୍ଞାପନ ଷ୍ଟାଣ୍ଡାର୍ଡ କାଉନସିଲ ଅଫ ଇଣ୍ଡିଆ ଅଛି, ଯାହା ସେମାନଙ୍କ ଉପରେ ନଜର ରଖିଥାଏ। କିନ୍ତୁ ଅନ୍ଲାଇନ୍ ବିଷୟବସ୍ତୁ, ଅନ୍ଲାଇନ୍ ନ୍ୟୁଜ୍ ପୋର୍ଟାଲ୍ ଏବଂ  ଓଟିଟି ପ୍ଲାଟଫର୍ମ ପାଇଁ ସରକାର ଏ ପର୍ଯ୍ୟନ୍ତ କୌଣସି ବ୍ୟବସ୍ଥା କରି ନଥିଲେ। ଯେଉଁଥିପାଇଁ ବର୍ତ୍ତମାନ ସୂଚନା ଏବଂ ପ୍ରସାରଣ ମନ୍ତ୍ରାଳୟ ଅଧୀନରେ ଏହାକୁ ରଖିବାକୁ ନିଷ୍ପତ୍ତି ନିଆଯାଇଛି। ଏବେ ଅନ୍ଲାଇନ୍ ବିଷୟବସ୍ତୁ, ଅନ୍ଲାଇନ୍ ନ୍ୟୁଜ୍ ପୋର୍ଟାଲ୍ ଏବଂ  ଓଟିଟି ପ୍ଲାଟଫର୍ମ ଉପରେ ସୂଚନା ଏବଂ ପ୍ରସାରଣ ମନ୍ତ୍ରାଳୟର ନଜର ରହିବ।

I&B ministry wants OTT content under its purview, Marketing & Advertising News, ET BrandEquity
Brand Equity

ସୂଚନା ମୁତାବକ, ହଟଷ୍ଟାର୍, ନେଟଫ୍ଲିକ୍ସ ଏବଂ ଆମାଜନ ପ୍ରାଇମ ଭଳି ଓଟିଟି ପ୍ଲାଟଫର୍ମରେ ପ୍ରସାରିତ ହେଉଥିବା ଚଳଚ୍ଚିତ୍ର, ସିରିଜ୍ ଇତ୍ୟାଦିକୁ ନେଇ ବିବାଦ ଦେଖାଦେଇଥିଲା | ଏଥି ସହିତ, ଏହା ମଧ୍ୟ ଦାବି କରାଯାଇଥିଲା, ବିଷୟବସ୍ତୁ ଉପରେ ନଜର ରଖିବା ଏବଂ ଏହା ଉପରେ ନିୟନ୍ତ୍ରଣ ପାଇଁ ସରକାର କିଛି ପଦକ୍ଷେପ ନେବା ଉଚିତ୍। କିଛି ଦିନ ପୂର୍ବରୁ କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଦକର ମଧ୍ୟ କହିଥିଲେ ଯେ, ଯେମିତି ଟିଭି, ମୁଦ୍ରିତ ଗଣମାଧ୍ୟମ ଇତ୍ୟାଦି ପାଇଁ ନିୟମାବଳୀ ରହିଛି, ସେମିତି ଓଟିଟି ପ୍ଲାଟଫର୍ମ ପାଇଁ ମଧ୍ୟ ନିୟମ ରହିବା ଉଚିତ।

ସମ୍ବନ୍ଧିତ ଖବର

Comments are closed.