ଗାନ୍ଧୀନଗର: ଗୁରୁବାର ଅହମଦାବାଦରୁ ଲଣ୍ଡନ ଯାଉଥିବା ଏୟାର ଇଣ୍ଡିଆର ବୋଇଂ ୭୮୭ ଡ୍ରିମଲାଇନର୍ ବିମାନ (ଉଡ଼ାଣ ନମ୍ବର ଏଆଇ ୧୭୧) ଦୁର୍ଘଟଣାଗ୍ରସ୍ତ ହୋଇଥିିଲା। ଏକ ଡାକ୍ତରୀ ହଷ୍ଟେଲରେ ବିମାନ ମାଡ଼ ହୋଇ ଜଳିଯାଇଥିଲା। ବିମାନରେ ମୋଟ ୨୪୨ଜଣ ଥିବା ବେଳେ ମାତ୍ର ଜଣେ ହିଁ ବଞ୍ଚିପାରିଥିଲେ। ଏହି ଦୁର୍ଘଟଣା ସାରା ଦେଶକୁ ସ୍ତବ୍ଧ କରିଦେଇଛି। ଏବେ ଲୋକେ ବିମାନ ଯାତ୍ରା କରିବା ପୂର୍ବରୁ ୨ଥର ଚିନ୍ତା କରୁଛନ୍ତି। ତେବେ ଦୁର୍ଘଟଣା ଘଟିବା ହଷ୍ଟେଲର ରୋଷେୟା ଓ ତାଙ୍କର ନାତୁଣୀ ଏହାର ଶିକାର ହୋଇଥିଲେ ବୋଲି ସାମ୍ନାକୁ ଆସିଛି। ମୃତକଙ୍କ ନାମ ହେଲା ସରଲା ବେନ୍ ଓ ଆଦ୍ୟା।

Advertisment

ସରଲା ବେନ୍ ବର୍ଷ ବର୍ଷ ଧରି ବିଜେ ମେଡିକାଲ କଲେଜ ହଷ୍ଟେଲର ମେସ୍‌ରେ ରୋଷେୟା ଭାବେ କାମ କରୁଥିଲେ। ଜୁନ୍ ୧୨ ତାରିଖ ଅପରାହ୍ନରେ, ଯେତେବେଳେ ବୋଇଂ ୭୮୭-୮ ଡ୍ରିମଲାଇନର ଆକାଶରୁ ଖସି ହଷ୍ଟେଲ କମ୍ପ୍ଲେକ୍ସରେ ପଡ଼ିଲା, ସେ ଏବଂ ତାଙ୍କ ନାତୁଣୀ ମେସ୍ ଭିତରେ ଥିଲେ। ତାଙ୍କ ବୋହୂ ଏବଂ ପୁଅ ସେହି ସମୟରେ ଆଦ୍ୟାଙ୍କୁ ସରଲାଙ୍କ ପାଖରେ ଛାଡ଼ି ହସ୍ପିଟାଲରେ ଲଞ୍ଚବକ୍ସ ଡେଲିଭରି କରିବାକୁ ଯାଇଥିଲେ।

ଦୁର୍ଘଟଣାର ୧୦ମିନିଟ୍ ପୂର୍ବରୁ, ତାଙ୍କ ପୁଅ, ବୋହୂ ଏବଂ ଅନ୍ୟ ଜଣେ ପୁଅ ମଧ୍ୟାହ୍ନ ଭୋଜନ ଦେବା ପାଇଁ ବାହାରକୁ ଯାଇଥିଲେ। ଯଦି ସେମାନେ ବାହାରକୁ ଯାଇ ନଥାନ୍ତେ, ତେବେ ସେମାନେ ମଧ୍ୟ ଦୁର୍ଘଟଣାର ଶିକାର ହୋଇଥାନ୍ତେ। ଗତ ଦଶ ବର୍ଷ ଧରି, ସରଳା ବେନ୍ ଡାକ୍ତରୀ ଶିବିରରେ ଖାଦ୍ୟ ରାନ୍ଧୁଥିଲେ। ପୂର୍ବରୁ, ସେ ସିଭିଲ୍ ହସ୍ପିଟାଲରେ ରୋଷେୟା ଭାବରେ କାମ କରୁଥିଲେ। ହେଲେ କିଛି ବର୍ଷ ପୂର୍ବେ, ଛାତ୍ରାବାସ ନିର୍ମାଣ ହେବା ପରେ, ସେ ସେଠାକୁ ସ୍ଥାନାନ୍ତରିତ ହୋଇଥିଲେ। ତେବେ ୭ଦିନ ହେବ ଦୁହିଁଙ୍କ ମୃତଦେହ ମିଳିନଥିବାରୁ ପରିବାର ଲୋକେ ବିଭିନ୍ନ ହସ୍ପିଟାଲରେ ଖୋଜାଖୋଜି କରିଥିଲେ। ୭ଦିନ ପରେ ଡିଏନଏ ମ୍ୟାଚ୍ କରିବାରୁ ଏବେ ପରିବାରୁ ମୃତଦେହ ହସ୍ତାନ୍ତର କରାଯାଇଛି।