ଅଙ୍ଗନବାଡ଼ି କର୍ମୀଙ୍କ ପାରିଶ୍ରମିକ ବୃଦ୍ଧି ପାଇଁ ସୁବାସଙ୍କ ଦାବି
କୁର୍ମି ମହନ୍ତକୁ ଅନୁସୂଚିତ ଜନଜାତି ତାଲିକାରେ ସାମିଲ ପାଇଁ ମମତାଙ୍କ ଦାବି
ନୂଆଦିଲ୍ଲୀ : ଅଙ୍ଗନବାଡ଼ି କର୍ମୀଙ୍କ ପାରିଶ୍ରମିକ ବୃଦ୍ଧି କରିବା ପାଇଁ ଆଜି ରାଜ୍ୟସଭାରେ ବିଜେଡି ସାଂସଦ ସୁବାସ ସିଂହ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ, କରୋନା ମହାମାରୀ ସମୟରେ ଆଗଧାଡ଼ିର ଯୋଦ୍ଧା ସାଜିଥିବା ଅଙ୍ଗନବାଡି ଓ ଆଶା କର୍ମୀମାନଙ୍କ କାର୍ଯ୍ୟ ଓ ଦକ୍ଷତା ତୁଳନାରେ ସେମାନେ ପାଉଥିବା ମାସିକ ପାରିଶ୍ରମିକ ଅତି କମ୍ । ଏହାକୁ ଦୃଷ୍ଟିରେ ରଖି ଅଙ୍ଗନବାଡି କର୍ମୀଙ୍କ ମାସିକ ଦରମା ୧୫ ହଜାର ଟଙ୍କା ଓ ଆଶାକର୍ମୀମାନଙ୍କ ଦରମା ୧୦ ହଜାର ଟଙ୍କାକୁ ବୃଦ୍ଧି କରିବା ପାଇଁ ସାଂସଦ ଶ୍ରୀ ସିଂହ ଦାବି କରିଛନ୍ତି।
କୁର୍ମି ମହନ୍ତକୁ ଅନୁସୂଚିତ ଜନଜାତି ତାଲିକାରେ ସାମିଲ ପାଇଁ ମମତାଙ୍କ ଦାବି
ନୂଆଦିଲ୍ଲୀ : କୁର୍ମି ମହନ୍ତ ସମ୍ପ୍ରଦାୟକୁ ଅନୁସୂଚିତ ଜନଜାତି ତାଲିକାରେ ସାମିଲ କରିବା ପାଇଁ ଆଜି ବିଜେଡି ସାଂସଦ ମମତା ମହନ୍ତ ରାଜ୍ୟସଭାର ଶୂନ୍ୟ କାଳରେ ଦାବି କରିଛନ୍ତି । ଆଜି ମଧ୍ୟ କୁର୍ମି ମହନ୍ତ ସମ୍ପ୍ରଦାୟ ଓଡ଼ିଶା, ଝାଡ଼ଖଣ୍ଡ,ଆସାମ ଓ ପଶ୍ଚିମବଙ୍ଗରେ ଦାରିଦ୍ରର ସୀମାରେଖା ତଳେ ରହିଛନ୍ତି ତଥା ସେମାନଙ୍କର ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାର ସେକହିଥିଲେ। ସରକାରଙ୍କୁ ଶୀଘ୍ର କୁର୍ମି ମହନ୍ତଙ୍କୁ ଅନୁସୂଚିତ ଜନଜାତିର ମର୍ଯ୍ୟାଦା ଦେବା ପାଇଁ ସେ ଦାବି କରିଥିଲେ।