କରୋନା ଆକ୍ରାନ୍ତବେଳେ ମମତା ପଚାରିଲେନି, ଅମିତ ଶାହା ପଚାରିଥିଲେ: ଶୁଭେନ୍ଦୁ
କୋଲକାତା: ପଶ୍ଚିମବଙ୍ଗରେ ଆଜି କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ନେତୃତ୍ୱରେ ତୃଣମୂଳ କଂଗ୍ରେସର ଟାଣୁଆ ନେତା ଶୁଭେନ୍ଦୁ ଅଧିକାରୀ ମିଶିବା ପରେ ଦଳର କିଛି ଗୁମର ଖୋଲିଛନ୍ତି | ଅସୁବିଧା ସମୟରେ ଦଳ କିଭଳି ଵିଶ୍ଵାସଘାତ କରିଛି ସେହି କାହାଣୀ ବଖାଣିବା ସହ ଅମିତ ଶାହାଙ୍କ ସହ ସମ୍ପର୍କ କିଭଳି ସୃଷ୍ଟି ହୋଇଥିଲା ସେ ବାବଦରେ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଶୁଭେନ୍ଦୁ କହିଛନ୍ତି ଯେ ‘ଯେତେବେଳେ ମୁଁ କରୋନାରେ ଆକ୍ରାନ୍ତ ହୋଇଥିଲି, ସେତେବେଳେ ତୃଣମୂଳ କଂଗ୍ରେସର କୌଣସି ନେତା ମୋ ସ୍ୱାସ୍ଥ୍ୟ ବାବଦରେ ପଦେ ବି ପଚାରିନଥିଲେ | ଯେଉଁ ଦଳ ପାଇଁ ମୁଁ ବୁଲି ବୁଲି ପ୍ରଚାର କରିଥିଲି, ସେହି ଦଳ ମୋତେ ଭୁଲିଯାଇଥିଲା | କିନ୍ତୁ ଗୃହ ମନ୍ତ୍ରୀ ଅମିତ ଶାହା ମୋ ସ୍ୱାସ୍ଥ୍ୟ ବାବଦରେ ପଚାରିବୁଝିଥିଲେ’ |
ସେହିପରି ଶୁଭେନ୍ଦୁ କହିଛନ୍ତି ଯେ ‘କର୍ମୀ ହିସାବରେ ହିଁ ମୁଁ ବିଜେପିରେ କାର୍ଯ୍ୟ କରିବି | ଯଦି ବିଜେପି କହିବା ପତାକା ଲଗାଇବାକୁ ଲଗାଇବି, ଯଦି ବିଜେପି କହିବ ତେବେ ଗାଁ ଗାଁ ବୁଲି କାନ୍ଥରେ ଲେଖି ବିଜେପି ପାଇଁ ପ୍ରଚାର କରିବି | ମୁଁ ତୃଣମୂଳ କଂଗ୍ରେସକୁ ଚେତାବନୀ ଦେଉଛି ଯେ ୨୦୨୧ ନିର୍ବାଚନରେ ଯାହା ଚାଁହୁନାହାନ୍ତି ତାହା ହିଁ ଘଟିବାକୁ ଯାଉଛି | ଯେତେବେଳେ ମୁଁ ତୃଣମୂଳ କଂଗ୍ରେସରେ ଥିଲି ସମ୍ପୂର୍ଣ୍ଣ ଉତ୍ସର୍ଗୀକୃତ ଭାବରେ କାର୍ଯ୍ୟ କରିଥିଲି ଏବଂ ବର୍ତ୍ତମାନ ମୁଁ ବିଜେପିରେ ଅଛି, ଆଉ ବିଜେପି ପାଇଁ କଠିନ ପରିଶ୍ରମ କରିବି’ |