ଯେଉଁଦିନ ଆମର ୪ ଯବାନ ସହିଦ ହେଲେ ,ଠିକ ସେଦିନ ପାକିସ୍ତାନକୁ ଭାରତ ଆର୍ଥିକ ସହାୟତା କରୁ ବୋଲି କହିଲେ ଏହି ମହାଶୟ
ନୂଆଦିଲ୍ଲୀ : ସୀମାରେ ଆମ ଦେଶର ବୀର ଜବାନମାନେ ପ୍ରାଣବଳୀ ଦେଇ ଦେଶର ସୁରକ୍ଷା କରୁଥିବାବେଳେ ଆମ ଦେଶରେ ଥିବା କେତେକ ତଥାକଥିତ ଉଦାରବାଦୀ ସବୁବେଳେ ପାକିସ୍ତାନ ପାଇଁ ଓକିଲାତି କରିଆସୁଛନ୍ତି । ଏହି ଗୋଷ୍ଠୀରେ ଅଛନ୍ତି କେତେକ ରାଜନୈତିକ ଦଳ, କେତେକ ସାମ୍ବାଦିକ, ଲେଖକ, ବୁଦ୍ଧିଜୀବି ଇତ୍ୟାଦି । ଏମାନଙ୍କର କାମ ହେଲା ପାକିସ୍ତାନ ଆମପ୍ରତି ଯେତେ ଶତ୍ରୁତା ଦେଖାଇଲେ ମଧ୍ୟ ତା ପ୍ରତି ସମବେଦନା ଜାହିର କରିବା ।
Sambad is now on WhatsApp
Join and get latest news updates delivered to you via WhatsApp
ଏପରି ଜଣେ ବୁଦ୍ଧିଜୀବି ହେଉଛନ୍ତି ସୁଧୀନ୍ଦ୍ର କୁଲକର୍ଣ୍ଣି, ଯିଏକି ପୂର୍ବରୁ ବିଜେପି ନେତା ଲାଲକୃଷ୍ଣ ଆଡଭାନୀଙ୍କ ସହଯୋଗୀ ଥିଲେ ଏବେ ସବୁବେଳେ ପାକିସ୍ତାନ ଜପ କରୁଛନ୍ତି । ଗତ ଅଗଷ୍ଟ ୭ ତାରିଖରେ କଶ୍ମୀର ସୀମାରେ ପାକିସ୍ତାନ ସମର୍ଥିତ ଆତଙ୍କବାଦୀଙ୍କ ସହ ଅପରେସନ ବେଳେ ଆମ ସେନାର ଜଣେ ମେଜରଙ୍କ ସମେତ ୪ ଜଣ ଜବାନ ସହିଦ ହୋଇଥିଲେ । ଭାରତ ମାତାର ୪ ଜଣ ବୀର ସୈନିକ ମାତୃଭୂମି ପାଇଁ ପ୍ରାଣବଳୀ ଦେଲେ । ଠିକ ଏହି ଦିନ ସେ ଏକ ନ୍ୟୁଜ ପୋର୍ଟାଲରେ ଏକ ଲେଖା ଲେଖିଥିଲେ ଯେ ପାକିସ୍ତାନ ଏବେ ଘୋର ଆର୍ଥିକ ସଂକଟରେ ପଡିଛି । ଦେବାଳିଆ ସ୍ଥିତି ଆସିଗଲାଣି । ଏହି ବିପଦ ସମୟରେ ଭାରତ ପାକିସ୍ତାନକୁ ଆର୍ଥିକ ସହାୟତା କରିବା ଆବଶ୍ୟକ । ଭାରତ ପାକିସ୍ତାନ ପ୍ରତି ସାହାଯ୍ୟର ହାତ ବଢାଇ ତାକୁ ଦେବାଳିଆ ଅବସ୍ଥାରୁ ଉଦ୍ଧାର କରିବା ଆବଶ୍ୟକ । ତାଙ୍କର ଏହି ଲେଖାକୁ ନେଇ ବିଭିନ୍ନ ମହଲରୁ ତାଙ୍କୁ ସମାଲୋଚନା କରାଯାଉଛି ।