ପାକିସ୍ତାନରେ ଚିନି ସଙ୍କଟ: ଚିନି କିଣିବାକୁ ଲମ୍ବା ଲାଇନ ଲଗାଉଛନ୍ତି ଲୋକ
କରାଚୀ: ପାକିସ୍ତାନରେ ଏବେ ଚିନି ସଙ୍କଟ ଦେଖାଦେଇଛି | ଆଉ ସ୍ଥିତି ଏମିତି ହୋଇଛି ଯେ ଚିନି କିଣିବାକୁ ଲୋକ ଲମ୍ବା ଧାଡି ଲଗାଉଛନ୍ତି | ଜଣେ ବ୍ୟକ୍ତି ଚିନି କିଣିବା ପରେ ଯେଭଳି ସେ ପୁଣି ଚିନି କିଣି କଳାବଜାରୀ କରିପାରିବେ ନାହିଁ ସେଥିପାଇଁ ତାଙ୍କ ହାତରେ କଳା ଚିହ୍ନ ମଧ୍ୟ ଲଗାଯାଉଛି | ନିଜ ଗାଦି ବଞ୍ଚାଇବା ପାଇଁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତରୁ ଚିନି ଏବଂ କପା କିଣିବାକୁ ମନା କରିଦେଇଥିଲେ, କିନ୍ତୁ ପାକିସ୍ତାନୀ ଲୋକଙ୍କୁ ଏବେ ଏଥିପାଇଁ ଅଧିକ ମୂଲ୍ୟ ଦେବାକୁ ପଡୁଛି |ଦେବାକୁ ପଡିବ। ଆଉ ଭାରତରେ ଯେଭଳି ଭୋଟ୍ ଦେବା ପରେ କଳା ଚିହ୍ନ ଲଗାଯାଇଥାଏ, ବର୍ତ୍ତମାନ ଚିନି କିଣିବାକୁ ଆସୁଥିବା ବ୍ୟକ୍ତିଙ୍କ ହାତରେ ମଧ୍ୟ କଳା ଚିହ୍ନ ଲଗାଯାଉଛି |
ବିଶେଷ କରି ପାକିସ୍ତାନରେ ଏବେ ରମଜାନ ମାସ ଚାଲିଛି, ଏଭଳି ପରିସ୍ଥିତିରେ ଚିନିର ଆବଶ୍ୟକତା ଆହୁରି ବଢିଚାଲିଛି | ପାକିସ୍ତାନରେ ଚିନି ମୂଲ୍ୟ ଆକାଶଛୁଆଁ ହୋଇଥିବାବେଳେ ଏବେ ମୂଲ୍ୟ କିଲୋଗ୍ରାମ ପିଛା ୧୨୦ ଟଙ୍କାରୁ ୧୫୦ ଟଙ୍କା ମଧ୍ୟରେ ରହିଛି | ଅନ୍ୟ ପଟେ ଇମ୍ରାନ ଖାନଙ୍କ ଏହି ତ୍ରୁଟିପୂର୍ଣ୍ଣ ନିଷ୍ପତ୍ତି ବାବଦରେ ତୀବ୍ର ସମାଲୋଚନା କରିଛନ୍ତି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନବାଜ ସରିଫଙ୍କ ଝିଅ ମରିୟମ ନବାଜ |
People queued up to buy sugar. An indelible ink mark on the thumb of every buyer is being put after the purchase. The true face of jaali government can be seen in this picture. pic.twitter.com/VjGk2PGMtE
— Maryam Nawaz Sharif (@MaryamNSharif) April 17, 2021
ସେ ଟ୍ୱିଟ କରି ଲେଖିଛନ୍ତି ଯେ ପାକିସ୍ତାନ ସରକାରଙ୍କ ଅସଲ ଚେହେରା ସାମ୍ନାକୁ ଆସିଛି | ଯେଉଁଠି ଲୋକମାନେ ଚିନି କିଣିବାକୁ ଲମ୍ବା ଲାଇନ ଲଗାଉଛନ୍ତି ଓ ବହୁ ଦିନ ଧରି ଲିଭୁନଥିବା ରଙ୍ଗ ଏବେ ଲୋକଙ୍କ ହାତରେ ଲଗାଯାଉଛି |
