କେସ ଉଠାଇନେବାକୁ ମିଳିଲା ଧମକ, ନିଜକୁ ଜାଳିଦେଲେ ପୀଡ଼ିତା
କୋଲକାତା: ପଶ୍ଚିମବଙ୍ଗରେ ନଦିଆ ଗଣଦୁଷ୍କର୍ମ ମାମଲା ମନରୁ ଲିଭିନଥିବାବେଳେ ଜଲପାଇଗୁଡିରୁ ଏକ ସମ୍ବେଦନଶୀଳ ଘଟଣା ସାମ୍ନାକୁ ଆସିଛି। ଦୁଷ୍କର୍ମ ମାମଲା ପ୍ରତ୍ୟାହାର କରିବାକୁ ଅଭିଯୁକ୍ତଙ୍କ ଭାଇ ଦେଇଥିବା ଧମକ ପରେ ଭୟଭୀତ ହୋଇ ପୀଡିତା ନିଜ ଦେହରେ ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଛନ୍ତି | ନାବାଳିକାଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ସେପଟେ ତୃଣମୂଳ କଂଗ୍ରେସ (ଟିଏମସି) କର୍ମୀ ଥିବା ଅଭିଯୁକ୍ତ ଅଜୟ ରାୟ ଏବଂ ତାଙ୍କ ଭାଇ ବିଜୟଙ୍କୁ ଗିରଫ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଜଲପାଇଗୁଡି ଜିଲ୍ଲାର ମାୟନାଗୁରି ଅଂଚଳର ଜଣେ ଦୁଷ୍କର୍ମ ପୀଡିତା ଜଣକ ଟିଏମସି ନେତାଙ୍କ ଭାଇଙ୍କ ବାରମ୍ବାର ଧମକ ପାଇବା ପରେ ନିଜ ଦେହରେ ନିଆଁ ଲଗାଇ ଦେଇଥିବାର ଅଭିଯୋଗ ହୋଇଛି। ନାବାଳିକାଙ୍କ ପିତା ସ୍ଥାନୀୟ ଗଣମାଧ୍ୟମକୁ କହିଛନ୍ତି ଯେ ଡାକ୍ତରମାନେ କହିଛନ୍ତି ଯେ ସେ ଗୁରୁତର ଅଛନ୍ତି ।
ସେ ଅଭିଯୋଗ କରିଛନ୍ତି ଯେ ଅଜୟ ରାୟ(ଟିଏମସି କର୍ମୀ) ଫେବୃଆରୀ ୨୮ ରେ ନାବାଳିକାଙ୍କୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ। ପୀଡିତାଙ୍କ ବାପା କହିଛନ୍ତି, “ଆମେ ପୁଲିସ ନିକଟରେ ଅଭିଯୋଗ କରିବା ପରେ ଧମକ ମିଳିଥିଲା । ସେ କହିଛନ୍ତି, “ମୋ ଝିଅ ଏତେ ଭୟଭୀତ ହୋଇପଡ଼ିଥିଲା ଯେ ସେ ଗୁରୁବାର ଦିନ ନିଜକୁ ମାରିବାକୁ ଚେଷ୍ଟା କରିଥିଲା । ତାହାର ଅବସ୍ଥା ଗୁରୁତର ରହିଛି। ,