ଜଣେ ମହିଳାଙ୍କ ସହ ଭିଡିଓ କରି ଭାଇରାଲ କରିଥାନ୍ତେ ଶିଷ୍ୟ: ସୁଇସାଇଡ ନୋଟରେ କିଛି ଏଭଳି ଲେଖିଛନ୍ତି ମହନ୍ତ ନରେନ୍ଦ୍ର ଗିରି
ପ୍ରୟାଗରାଜ: ସୋମବାର ସନ୍ଦେହଜନକ ସ୍ଥିତିରେ ଆଖଡା ପରିଷଦର ସଭାପତି ନରେନ୍ଦ୍ର ଗିରିଙ୍କ ଝୁଲନ୍ତା ମୃତଦେହ ମିଳିଥିଲା । ତଦନ୍ତ ବେଳେ ପୁଲିସ ଘଟଣାସ୍ଥଳରୁ ଏକ ସୁଇସାଇଡ ନୋଟ ଜବତ କରିଥିଲା । ପ୍ରାରମ୍ଭିକ ଅନୁସନ୍ଧାନରେ ପୁଲିସ ଏହାକୁ ଆତ୍ମହତ୍ୟା ମାମଲା ବୋଲି କହିଛି। ପୁଲିସ ଘଟଣାସ୍ଥଳରୁ ୮ ପୃଷ୍ଠାର ଯେଉଁ ସୁଇସାଇଡ ନୋଟ ଜବତ କରିଛି ସେଥିରେ ତିନି ଜଣଙ୍କ ନାମ ଲେଖାଯାଇଛି।
Sambad is now on WhatsApp
Join and get latest news updates delivered to you via WhatsApp
ଯେଉଁଥିରେ ଶିଷ୍ୟ ଆନନ୍ଦ ଗିରି, ହନୁମାନ ମନ୍ଦିରର ମୁଖ୍ୟ ପୁରୋହିତ ଆଦ୍ୟ ତିୱାରୀ ଏବଂ ତାଙ୍କ ପୁଅ ସନ୍ଦୀପ ତିୱାରୀଙ୍କ ନାମ ଲେଖାଥିବା ଦେଖିବାକୁ ମିଳିଛି | ସେ ପ୍ରତ୍ୟେକ ପୃଷ୍ଠାର ତଳେ ଦସ୍ତଖତ କରିଛନ୍ତି | ଏଥିରେ ଲେଖାଯାଇଛି ଯେ ଏହି ମାସ ୧୩ ତାରିଖ ଦିନ ମଧ୍ୟ ତାଙ୍କ ମନକୁ ଆତ୍ମହତ୍ୟା କରିବାର ଚିନ୍ତା ଆସିଥିଲା। ସେହିପରି ସୁଇସାଇଡ ନୋଟଟି ଭାରତୀୟ ଆଖଡା ପରିଷଦର ଲେଟର ହେଡ଼ରେ ଲେଖାଯାଇଛି | ଚିଠିର ଅନେକ ସ୍ଥାନରେ ଶବ୍ଦ ଏବଂ ଧାଡି କଟାଯାଇ ପରେ ପୁଣି ଲେଖାଯାଇଥିବାର ଦେଖିବାକୁ ମିଳିଛି |
ଏହି ସୁଇସାଇଡ ନୋଟରେ ସେ ଆନନ୍ଦ ଗିରିଙ୍କ ଦ୍ୱାରା କିପରି ମାନସିକ ସ୍ତରରେ ଶୋଷଣର ଶିକାର ହେଉଥିଲେ ତାହା ବଖାଣିଛନ୍ତି | ନରେନ୍ଦ୍ର ଗିରି ଭୟ କରୁଥିଲେ ଯେ ଆନନ୍ଦ ଗିରି ଜଣେ ମହିଳାଙ୍କ ସହ ତାଙ୍କ ଫଟୋ ଯୋଡି ଭାଇରାଲ କରିପାରନ୍ତି। ଏହା ବ୍ୟତୀତ ଯେଉଁମାନେ ତାଙ୍କୁ ସମର୍ଥନ କରନ୍ତି, ତାଙ୍କର ସେବା ଏବଂ ସାହାଯ୍ୟ ବିଷୟରେ ମଧ୍ୟ ଉଲ୍ଲେଖ କରାଯାଇଛି | ଏହା ସହିତ ସେ ବଲବୀର ପୁରୀଙ୍କୁ ଉତ୍ତରାଧିକାରୀ କରିବା ବିଷୟରେ ମଧ୍ୟ ଚିଠିରେ ଲେଖିଛନ୍ତି |