ପଞ୍ଜାବ ମୁଖ୍ୟମନ୍ତ୍ରୀଙ୍କ ଲୋକସଭା ଆସନରୁ ଉପନିର୍ବାଚନ ଲଢ଼ିପାରନ୍ତି ସୁନୀଲ
ନୂଆଦିଲ୍ଲୀ: ପଞ୍ଜାବ କଂଗ୍ରେସର ପୂର୍ବତନ ନେତା ସୁନୀଲ ଜାଖର ଦୁଇ ଦିନ ତଳେ ବିଜେପିରେ ଯୋଗ ଦେଇଥିଲେ । ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଉପସ୍ଥିତିରେ ସେ ଦଳରେ ସାମିଲ ହୋଇଥିଲେ | ଆଉ ସୁନୀଲ ଜାଖରଙ୍କୁ ଦଳର ସଦସ୍ୟତା ପ୍ରଦାନ କରି ଜେପି ନଡ୍ଡା କହିଥିଲେ ଯେ ସୁନୀଲ ଜାଖର ସବୁବେଳେ ଚାଷୀଙ୍କ ପାଇଁ କାମ କରୁଥିଲେ। ପଞ୍ଜାବରେ ଜାତୀୟତାବାଦୀ ଶକ୍ତି ମଧ୍ୟରେ ଆଜି ବିଜେପି ପ୍ରଥମ ସ୍ଥାନ ଅଧିକାର କରିଛି। ମୁଁ ନିଶ୍ଚିତ ଯେ ସେ ପଞ୍ଜାବ ବିଜେପିକୁ ଏକ ନୂତନ ସ୍ତରକୁ ନେଇଯିବେ।
Sambad is now on WhatsApp
Join and get latest news updates delivered to you via WhatsApp
ଏଥିରେ ସୁନୀଲ ଜାଖର ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛନ୍ତି। ଆଉ ଏହି କ୍ରମରେ ଏବେ ଚର୍ଚ୍ଚା ଜୋର ଧରିଛି ଯେ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କ ଇସ୍ତଫା ପରେ ଖାଲିଥିବା ଲୋକସଭା ଆସନ ସଙ୍ଗରୁରୁ ସୁନୀଲ ଜାଖରଙ୍କୁ ବିଜେପି ପ୍ରାର୍ଥୀ କରିପାରେ।
ତେବେ ସୁନୀଲ ଜାଖରଙ୍କୁ ପଞ୍ଜାବର ଜଣେ ବଡ ହିନ୍ଦୁ ନେତା ଭାବରେ ପ୍ରୋଜେକ୍ଟ କରିବାକୁ ବିଜେପି ପ୍ରସ୍ତୁତ ହେଉଛି ଏବଂ ଏହାକୁ ଦୃଷ୍ଟିରେ ରଖି ସଙ୍ଗରୁର ଲୋକସଭା ଉପ-ନିର୍ବାଚନରେ ଦଳ ତାଙ୍କୁ ନେଇ ବଡ ବାଜି ଖେଳିବାକୁ ପ୍ରସ୍ତୁତ ହେଉଛି। ଆପଣଙ୍କୁ କହିରଖୁଛୁ ଯେ ପଞ୍ଜାବ ବିଧାନସଭାରେ ଏକ ବଡ଼ ବିଜୟ ହାସଲ କରିବା ପରେ ଆମ୍ ଆଦମୀ ପାର୍ଟି ଭଗବନ୍ତ ମାନ ପଞ୍ଜାବର ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ନେଇଥିଲେ | ଆଉ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବା ପୂର୍ବରୁ ମାନ ୧୪ ମାର୍ଚ୍ଚ ୨୦୨୨ରେ ଲୋକସଭା ସଦସ୍ୟ ପଦରୁ ଇସ୍ତଫା ଦେଇଥିଲେ। ବର୍ତ୍ତମାନ ଏହି ଆସନରେ ଉପ-ନିର୍ବାଚନ ଅନୁଷ୍ଠିତ ହେବ |