ବେଙ୍ଗାଲୁରୁ : କର୍ଣ୍ଣାଟକ ଶିକ୍ଷକ ନିଯୁକ୍ତି ପରୀକ୍ଷା ଦେଉଥିବା ଜଣେ ଛାତ୍ରୀ ନିଜ ଆଡମିଟ୍ କାର୍ଡରେ ଅଭିନେତ୍ରୀ ସନି ଲିଓନିଙ୍କ ଫଟୋ ଦେଖି ଚକିତ ହୋଇଯାଇଥିଲେ । ସୋସିଆଲ ମିଡିଆରେ ଏହି ଆଡମିଟ କାର୍ଡର ଫଟୋ ବୁଲିବା ପରେ ପ୍ରଶାସନ ପକ୍ଷରୁ ଏହାର ତଦନ୍ତ ନିର୍ଦେଶ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣାକୁ ନେଇ କର୍ଣ୍ଣାଟକ କଂଗ୍ରେସର ସୋସିଆଲ ମିଡିଆ ଅଧ୍ୟକ୍ଷ ବି.ଆର. ନାଇଡୁ ମଙ୍ଗଳବାର ଅଭିଯୋଗ କରିଛନ୍ତି ଯେ ରାଜ୍ୟ ଶିକ୍ଷା ବିଭାଗ ପ୍ରାର୍ଥୀଙ୍କ ଫଟୋ ପରିବର୍ତ୍ତେ ହଲ୍ ଟିକେଟରେ ବୟସ୍କ ଅଭିନେତ୍ରୀଙ୍କ ଫଟୋ ଛାପିଛି । ଯେଉଁ ଦଳର ସଦସ୍ୟ ବିଧାନସଭାରେ ଆପତ୍ତିଜନକ ଚଳଚ୍ଚିତ୍ର ଦେଖୁଛନ୍ତି, ସେହି ଦଳଠାରୁ କଣ ଆଶା କରାଯାଇପାରିବ ବୋଲି ସେ କହିଛନ୍ତି ?
ତେବେ ଏହି ଅଭିଯୋଗର ଉତ୍ତର ରଖି କର୍ଣ୍ଣାଟକ ଶିକ୍ଷା ମନ୍ତ୍ରୀ ବିସି ନାଗେଶ କହିଛନ୍ତି ଯେ, ଛାତ୍ରଛାତ୍ରୀମାନେ ନିଜେ ନିଜର ଫଟୋ ଅପଲୋଡ କରିଥାନ୍ତି । କମ୍ପ୍ୟୁଟର ସେହି ଅନୁସାରେ ଆଡମିଟ କାର୍ଡ ପ୍ରସ୍ତୁତ କରିଥାଏ ।
ଏ ବିଷୟରେ ସଂପୃକ୍ତ ଛାତ୍ରୀଙ୍କୁ ପଚରାଯିବାରୁ ସେ ଏକ ଆଶ୍ଚର୍ଯ୍ୟଜନକ ଉତ୍ତର ଦେଇଛନ୍ତି । ସେ କହିଛନ୍ତି, ସେ ନିଜେ ପରୀକ୍ଷାର ଫର୍ମ ପୂରଣ କରିନଥିଲେ ଓ ତାଙ୍କ ସ୍ବାମୀଙ୍କ ବନ୍ଧୁ ଏହା କରିଥିଲେ । ଏଣୁ ସେ ଫଟୋ ଅପଲୋଡ କରିଥାଇପାରନ୍ତି ।
ଏହି ଘଟଣା ସମଗ୍ର ରାଜ୍ୟରେ ଟର୍ଚ୍ଚାର ବିଷୟ ହୋଇଛି ।