ନୂଆଦିଲ୍ଲୀ : ଜଳବାୟୁ ପରିବର୍ତ୍ତନ ଓ ତାପମାତ୍ରା ବୃଦ୍ଧିର ପ୍ରଭାବ ଯୋଗୁଁ ଭବିଷ୍ୟତରେ ବିନାଶକାରୀ ସୁପର ସାଇକ୍ଲୋନ ସଂଖ୍ୟା ବଢିବ ଓ ଏହା ଯୋଗୁଁ ଭାରତର କୋଟି କୋଟି ଲୋକ ପ୍ରଭାବିତ ହେବେ ବୋଲି ଏକ ଗବେଷଣାରୁ ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ବ୍ରିଟେନର ବ୍ରିଷ୍ଟଲ ବିଶ୍ବ ବିଦ୍ୟାଳୟର ଗବେଷକମାନେ ୨୦୨୦ରେ ଆସିଥିବା ଅମ୍ଫାନ ବାତ୍ୟା ଉପରେ ଏକ ଅଧ୍ୟୟନ କରି ଏହି ଭବିଷ୍ୟବାଣୀ କରିଛନ୍ତି । ସେମାନେ ନିଜ ଅଧ୍ୟୟନରେ ବିଶ୍ବ ତାପନ ଯୋଗୁଁ ସମୁଦ୍ରର ତାପମାତ୍ରା ବୃଦ୍ଧି, ଜଳପତ୍ତନ ବୃଦ୍ଧି ଆଦିକୁ ବିଚାରକୁ ନେଇ ନିଜ ରିପୋର୍ଟ ପ୍ରସ୍ତୁତ କରିଛନ୍ତି ।
ସେମାନଙ୍କ ଏହି ଗବେଷଣା ରିପୋର୍ଟ କ୍ଲାଇମେଟ୍ ରେଜିଲିଏଣ୍ଟ ଓ ସଷ୍ଟେନିବିଲିଟି ଜର୍ଣ୍ଣାଲରେ ପ୍ରକାଶ ପାଇଛି । ଏହି ଗବେଷଣା ସଂଦର୍ଭରେ ଲେଖାଯାଇଛି ଯେ ଯଦି ସବୁଜ ଘର ବାଷ୍ପ ଏହି ହାରରେ ବଢିଚାଲିବ, ତେବେ ବିଶ୍ବରେ ଭାରତର ଜନସଂଖ୍ୟାର ପ୍ରାୟ ଅଢେଇ ଗୁଣ ଅର୍ଥାତ ପ୍ରାୟ ପ୍ରାୟ ୪୦୦ କୋଟି ଲୋକ ଗୁରୁତରଭାବେ ପ୍ରଭାବିତ ହେବେ ।
ଏହି ଗବେଷକ ଦଳର ମୁଖ୍ୟ ଡାନ ମିଚେଲ କହିଛନ୍ତି ଯେ ଜଳବାୟୁ ପରିବର୍ତ୍ତନ ଦୃଷ୍ଟିରୁ ଦକ୍ଷିଣ ଏସିଆ ସମଗ୍ର ବିଶ୍ବରେ ଏକ ସବୁଠାରୁ ସଂବେଦନଶୀଳ ଅଂଚଳରେ ପରିଣତ ହୋଇଛି । ଆଇପିସିସି ମଧ୍ୟ ଏହା କହିସାରିଛି । କିନ୍ତୁ ଏହି ଅତି ସଂବେଦଦନଶୀଳ ଅଂଚଳର ପରିବେଶ ଉପରେ ସବୁଠାରୁ କମ ଗବେଷଣା ହୋଇଛି ।
ସବୁଜ ଘର ବାଷ୍ପ ନିର୍ଗମନକୁ ହ୍ରାସ କରି ପ୍ୟାରିସ ରାଜିନାମା ଲକ୍ଷ୍ୟ ହାସଲ କଲେ ଏହି ବିପଦର ଆଶଙ୍କା କମିବ ବୋଲି ରିପୋର୍ଟରେ କୁହାଯାଇଛି ।