ସାବରିମାଲା ମନ୍ଦିରରେ ମହିଳାଙ୍କ ପ୍ରବେଶ ନେଇ ମାମଲା : ଜାନୁୟାରି ୨୨ରେ ରିଭ୍ୟୁ ପିଟିସନଗୁଡ଼ିକର ଶୁଣାଣି କରିବେ ସୁପ୍ରିମକୋର୍ଟ
ନୂଆଦିଲ୍ଲୀ : ଆସନ୍ତା ଜାନୁୟାରି ୨୨ରେ ସାବରିମାଲା ମନ୍ଦିରରେ ମହିଳାଙ୍କ ପ୍ରବେଶ ନେଇ ଦାୟର ହୋଇଥିବା ମାମଲାର ପୁନର୍ବିଚାର ଆବେଦନଗୁଡ଼ିକର ଶୁଣାଣି ଖୋଲା ଅଦାଲତରେ ହେବ । ଏଥିପାଇଁ ଆଜି ସୁପ୍ରିମକୋର୍ଟ ରାଜି ହୋଇଛନ୍ତି । ଖୋଲା ଅଦାଲତର ଅର୍ଥ ହେଉଛି କୋର୍ଟରେ ଏହି ମାମଲାର ଶୁଣାଣି ବେଳେ ସାଧାରଣ ଲୋକେ ଉପସ୍ଥିତ ରହି ଦେଖିପାରିବେ ବା ଶୁଣିପାରିବେ । କିନ୍ତୁ ପ୍ରଧାନବିଚାରପତି ଜଷ୍ଟିସ ରଂଜନ ଗୋଗୋଇ, ଜଷ୍ଟିସ ରୋହିନଟନ ନାରିମାନ, ଏଏମ ଖାନଓ୍ଵିଲକର, ଇନ୍ଦୁ ମାଲହୋତ୍ରା ଓ ଡିଓ୍ଵାଇ ଚନ୍ଦ୍ରଚୂଡଙ୍କୁ ନେଇ ଖଣ୍ଡପୀଠ ନିଜ ପୂର୍ବ ରାୟ ଉପରେ ସ୍ଥଗିତାଦେଶ ଲଗାଇବାକୁ ମନା କରିଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
କେରଳର ପ୍ରସିଦ୍ଧ ତୀର୍ଥକ୍ଷେତ୍ର ସାବରିମାଲାରେ ସବୁ ବୟସର ମହିଳା ପ୍ରବେଶ କରିପାରିବେ ବୋଲି ଗତ ସେପ୍ଟେମ୍ବର ୨୮ରେ ସୁପ୍ରିମକୋର୍ଟ ରାୟ ଶୁଣାଇଥିଲେ । ପୂର୍ବରୁ କେବଳ ୧୦ରୁ ୫୦ ବର୍ଷ ବୟସର ମହିଳାଙ୍କ ପାଇଁ ଏହି ଭଗବାନ ଆୟାପ୍ପାଙ୍କ ମନ୍ଦିରକୁ ଯିବା ନିଷିଦ୍ଧ ଥିଲା, କିନ୍ତୁ ସୁପ୍ରିମକୋର୍ଟ ଏକ ଜନସ୍ୱାର୍ଥ ମାମଲାର ବିଚାର କରି ସବୁ ବୟସର ମହିଳାଙ୍କ ପ୍ରବେଶ ଅନୁମତି ଦେଇଥିଲେ । ତେବେ ଏହି ରାୟକୁ କେରଳରେ ପ୍ରବଳ ବିରୋଧ କରାଯାଉଛି । ଏହି ରାୟର ପୁନର୍ବିଚାର ପାଇଁ ୪୯ଟି ଆବେଦନ କରାଯାଇଛି ।