ସୁପ୍ରିମକୋର୍ଟରେ ପଶ୍ଚିମବଙ୍ଗ ବ୍ୟକ୍ତିଙ୍କ ଆଗୁଆ ଜାମିନ ଆବେଦନ ଖାରଜ

ନୂଆଦିଲ୍ଲୀ : ଜଣେ ମହିଳାଙ୍କର ଆପତ୍ତିଜନକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ କରିଦେବାର ଧମକ ଦେଇଥିବା ଜଣେ ପଶ୍ଚିମବଙ୍ଗ ବାସିନ୍ଦାଙ୍କ ଆଗୁଆ ଜାମିନଆବେଦନକୁ ଆଜି ସୁପ୍ରିମ କୋର୍ଟ ଖାରଜ କରିଛନ୍ତି। ଏଭଳି କାର୍ଯ୍ୟକଳାପ ଆମ ସମାଜରେ ଗ୍ରହଣୀୟ ନୁହେଁ ବୋଲି ସର୍ବୋଚ୍ଚ ନ୍ୟାୟାଳୟ କହିଛନ୍ତି।

ଜାମିନ ପାଇଁ କୌଣସି ମାମଲା ରୁଜୁ କରାଯାଇ ନାହିଁ। ତୁମ ବିରୋଧରେ ଆସିଥିବା ଅଭିଯୋଗ ଗମ୍ଭୀର। ତୁମେ ଜଣେ ଯୁବତୀଙ୍କ ନଗ୍ନ ଫଟୋ ଉଠାଇ ଏହାକୁ ପ୍ରସାରିତ କରିବାକୁ ଧମକ ଦେଇଛ। ପଶ୍ଚିମବଙ୍ଗ ବାସିନ୍ଦା ସୌମ୍ୟବ୍ରତ ପାଲଙ୍କ ଏକ ପିଟିସନରେ ଜଷ୍ଟିସ ଏମ୍‌ ଆର୍‌ ଶାହ ଏବଂ ଅନିରୁଦ୍ଧ ବୋଷଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି।
ପାଲ୍‌ଙ୍କ ଆଗୁଆ ଜାମିନ ଆବେଦନ ସପକ୍ଷରେ ତାଙ୍କ ଓକିଲ ଯୁକ୍ତି ଦର୍ଶାଇଥିଲେ ଯେ ତାଙ୍କ ବିରୋଧରେ ହୋଇଥିବା ଅଭିଯୋଗ ସଂପୂର୍ଣ୍ଣ ମିଥ୍ୟା। ମହିଳା ଜଣକ ସେହି କମ୍ପାନୀରେ ତାଙ୍କ ସହିତ ଜଣେ ନିର୍ଦ୍ଦେଶକ ଥିଲେ। ଗତ ଅକ୍ଟୋବର ୧୮ରେ ପୁଲିସକୁ ଦେଇଥିବା ଅଭିଯୋଗରେ ମହିଳା ଜଣକ କହିଥିଲେ, ସେ ନାବାଳିକା ଥିବାବେଳେ ପାଲଙ୍କ ସହ ସମ୍ପର୍କ ରଖିଥିଲେ ଏବଂ ସେତେବେଳେ ସେ ଉଠାଇଥିବା ତାଙ୍କ ବ୍ୟକ୍ତିଗତ ଫଟୋ ଏବଂ ଭିଡିଓକୁ ଭାଇରାଲ କରିଦେବେ ବୋଲି ଧମକ ଦେଉଥିଲେ। ଖଣ୍ଡପୀଠ କହିଛନ୍ତି, ଏହି ଘଟଣାଟି ମହିଳା ଜଣକ ନାବାଳିକା ଥିବା ସମୟର। ପାଲ୍‌ଙ୍କ ବିରୋଧରେ ଠକେଇ ଅପରାଧ ବ୍ୟତୀତ ଯୌନ ନିର୍ଯାତନା ଏବଂ ପୋକ୍ସୋ ଅଧିନିୟମ ଅନୁଯାୟୀ ହୁଗୁଳି ଜିଲ୍ଲାର ଚନ୍ଦନନଗର ଥାନାରେ ମାମଲା ରୁଜୁ ହୋଇଥିଲା। ଗତ ଡିସେମ୍ବରରେ ପାଲ ତଦନ୍ତରେ ସହଯୋଗ କରିବାକୁ ସମନ ଗ୍ରହଣ କରିଥିଲେ ଏବଂ ସେହି ଦିନଠାରୁ ସେ ଗିରଫ ହୋଇଥିଲେ। ଏପ୍ରିଲ ୭ରେ ଜାମିନ ଆବେଦନ ପାଇଁ ଟ୍ରାଏଲ କୋର୍ଟ ତାଙ୍କ ଅନୁରୋଧକୁ ପ୍ରତ୍ୟାଖ୍ୟାନ କରିଛନ୍ତି। ପରେ ସେ କାଲ୍‌କାଟା ହାଇକୋର୍ଟରେ ଆବେଦନ କରିଥିଲେ ହେଁ ମେ ୫ ତାରିଖରେ ଅଦାଲତ ତାଙ୍କୁ ଜାମିନ ପ୍ରଦାନ କରିବାକୁ ମନା କରିଦେଇଥିଲେ। ଏହାପରେ ସେ ସୁପ୍ରିମ କୋର୍ଟଙ୍କ ଦ୍ବାରସ୍ଥ ହୋଇଥିଲେ।

ସମ୍ବନ୍ଧିତ ଖବର