ରାଜ୍ୟପାଳଙ୍କୁ ଆଇନା ଦେଖାଇଲେ ସୁପ୍ରିମ‌‌କୋର୍ଟ ବିଚାରପତି

ନୂଆଦିଲ୍ଲୀ: ସୁପ୍ରିମକୋର୍ଟର ବିଚାରପତି ଜଷ୍ଟିସ ବି.ଭି. ନାଗରତ୍ନା ରାଜ୍ୟପାଳଙ୍କ ଦ୍ୱାରା ବିଲ୍ ଅବରୋଧ କରାଯିବାକୁ ସମାଲୋଚନା କରିଛନ୍ତି। ସେ କହିଛନ୍ତି ରାଜ୍ୟପାଳଙ୍କ କାମ ବିଲ ରୋକିବା ନୁହେଁ ବରଂ ଏହା ଉପରେ ନିଷ୍ପତ୍ତି ନେବା। ଏହା ଏକ ଲଜ୍ଜାଜନକ ବିଷୟ ଅଦାଲତଙ୍କୁ ରାଜ୍ୟପାଳମାନଙ୍କୁ ସେମାନଙ୍କର କର୍ତ୍ତବ୍ୟ ବିଷୟରେ ମନେ ପକାଇବାକୁ ପଡୁଛି। ହାଇଦ୍ରାବାଦର ନାଲସର ବିଶ୍ୱବିଦ୍ୟାଳୟର ଏକ କାର୍ଯ୍ୟକ୍ରମରେ ନାଗରତ୍ନା ଏହା କହିଛନ୍ତି। ଏହି କାର୍ଯ୍ୟକ୍ରମରେ ସେ ବିମୁଦ୍ରୀକରଣକୁ ମଧ୍ୟ ବିରୋଧ କରିଥିଲେ ଏବଂ କହିଥିଲେ ସାଧାରଣ ଲୋକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡୁଥିବା ବେଳେ ଏହା କଳା ଟଙ୍କା ଜମା କରୁଥିବା ଲୋକଙ୍କୁ ଉପକୃତ କରିଛି।

ଆଜିକାଲି ଦେଶରେ ରାଜ୍ୟପାଳଙ୍କ ଏକ ନୂଆ ଧାରା ଦେଖିବାକୁ ମିଳୁଛି। ସମ୍ବିଧାନ ଅନୁଯାୟୀ ସେମାନେ କାର୍ଯ୍ୟ କରିବା ଉଚିତ। ବିଲ୍ ଅନୁମୋଦନ କରିବାରେ ବିଳମ୍ବ ନ କରିବା ରାଜ୍ୟପାଳମାନଙ୍କୁ କହିବାକୁ ସେ ପସନ୍ଦ କରନ୍ତି ନାହିଁ ବୋଲି କହିଛନ୍ତି। କେନ୍ଦ୍ର ସରକାରଙ୍କ ବିମୁଦ୍ରୀକରଣ ନିଷ୍ପତ୍ତିକୁ ସମର୍ଥନ କରୁଥିବା ପାଞ୍ଚ ଜଣିଆ ଖଣ୍ଡପୀଠର ସେ ଅଂଶବିଶେଷ ଥିଲେ, କିନ୍ତୁ ସେ ଏକମାତ୍ର ବିଚାରପତି ଭାବେ ଏହି ନିଷ୍ପତ୍ତି ଶୀଘ୍ର ଗ୍ରହଣ କରାଯାଇଥିଲା ଏବଂ ଶୀଘ୍ର କାର୍ଯ୍ୟକାରୀ କରାଯାଇଥିବା କହି ଏଥିରେ ଅସହମତି ପ୍ରକାଶ କରିଥିଲେ।

ମହାରାଷ୍ଟ୍ର ଏବଂ ପଞ୍ଜାବର ରାଜ୍ୟପାଳଙ୍କ ନିଷ୍ପତ୍ତିକୁ ଉଲ୍ଲେଖ କରି ସେ କହିଛନ୍ତି ସୁପ୍ରିମକୋର୍ଟଙ୍କୁ ଏଭଳି ବ୍ୟବସ୍ଥାକୁ ଠିକ୍ କରିବା ପାଇଁ ହସ୍ତକ୍ଷେପ କରିବାକୁ ପଡ଼ିବ। ସେ କହିଛନ୍ତି, 'ମହାରାଷ୍ଟ୍ର ମାମଲାରେ ମେ’ ୨୦୨୩ ରେ ଉଦ୍ଧବ ଠାକ‌‌ରେ ସରକାରଙ୍କ ପତନ ପରେ ବିଧାନସଭାରେ ଫ୍ଲୋର ଟେଷ୍ଟ,କରିବା ପାଇଁ ରାଜ୍ୟପାଳଙ୍କର କୌଣସି ଠୋସ୍ ପ୍ରମାଣ ଥିଲା କି ନାହିଁ ବୋଲି ପ୍ରଶ୍ନ କରିଛନ୍ତି। ବର୍ତ୍ତମାନର ସରକାର ବିଧାୟକଙ୍କ ବିଶ୍ୱାସନୀୟତା ହରାଇଛନ୍ତି ବୋଲି ଦର୍ଶାଇବାକୁ ତାଙ୍କ ପାଖରେ କୌଣସି ପ୍ରମାଣ ନାହିଁ। ଗଣତାନ୍ତ୍ରିକ ଅନୁଷ୍ଠାନଗୁଡ଼ିକର ଅଖଣ୍ଡତା ବଜାୟ ରଖିବା ଏବଂ ସେମାନଙ୍କର ପରମ୍ପରାକୁ ବଜାୟ ରଖିବା ପାଇଁ ସୁପ୍ରିମକୋର୍ଟ ଅନେକ ବିଚାର କରିଥିବାରୁ ୨୦୨୩ଏକ ଗୁରୁତ୍ୱପୂର୍ଣ୍ଣ ବର୍ଷ ଥିଲା ବୋଲି ସେ କହିଛନ୍ତି।

ସେ କହିଛନ୍ତି ପଞ୍ଜାବ ମାମଲାରେ ରାଜ୍ୟପାଳ ଚାରିଟି ବିଲ୍ ରୋକି ରଖିଛନ୍ତି। ଅଦାଲତ ରାଜ୍ୟପାଳଙ୍କୁ ମନେ ପକାଇ ଦେଉଛନ୍ତି ସେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଅନୁମୋଦନ ବନ୍ଦ କରିପାରିବେ ନାହିଁ। ରାଜ୍ୟପାଳ ବିଲକୁ ରୋକି ଏକ ମକଦ୍ଦମାର ବିଷୟ ପାଲଟିଛନ୍ତି। ରାଜ୍ୟପାଳଙ୍କୁ କୋର୍ଟକୁ ଟାଣିବା ସମ୍ବିଧାନ ଅନୁଯାୟୀ ଏକ ସୁସ୍ଥ ଧାରା ନୁହେଁ। ରାଜ୍ୟପାଳ ପଦ ଏକ ଗମ୍ଭୀର ସାମ୍ବିଧାନିକ ପଦ। ସେମାନେ ସେମାନଙ୍କର ଦାୟିତ୍ବବୋଧ ଭାବରେ କର୍ତ୍ତବ୍ୟ କରିବା ଉଚିତ୍।
ବିମୁଦ୍ରୀକରଣ ସମ୍ପର୍କରେ ସେ କହିଛନ୍ତି ଯଦିଓ ଏହା କଳା ଟଙ୍କା ହଟାଇବା ପାଇଁ ଉଦ୍ଦିଷ୍ଟ ଥିଲା, ତେବେ ହଠାତ୍ କେନ୍ଦ୍ର ସରକାର ଏହାକୁ କାର୍ଯ୍ୟକାରୀ କରିବା ଦ୍ବାରା କେବଳ ଆଇନ ଉଲ୍ଲଂଘନକାରୀ ଉପକୃତ ହୋଇଥିଲେ। ଯେଉଁମାନେ ସେମାନଙ୍କର କଳା ଟଙ୍କାକୁ ଧଳାରେ ପରିଣତ କରିଥିଲେ। ଏହା ସାଧାରଣ ଲୋକଙ୍କ ପାଇଁ ଅନେକ ଅସୁବିଧା ସୃଷ୍ଟି କରିଥିଲା। ଲୋକମାନେ ସେମାନଙ୍କର ପୁରୁଣା ନୋଟଗୁଡ଼ିକୁ ବଦଳାଇବା ବହୁତ କଷ୍ଟ ଭୋଗିଲେ। ସେ କହିଛନ୍ତି କୌଣସି ସ୍ତରରେ ଏ ବିଷୟରେ କୌଣସି ଆଲୋଚନା ହୋଇ ନ ଥିଲା। କୌଣସି ନିଷ୍ପତ୍ତି ଗ୍ରହଣ ପ୍ରକ୍ରିୟା ମଧ୍ୟ ଗ୍ରହଣ କରାଯାଇ ନ ଥିଲା। ସଂପୃକ୍ତ ବିଭାଗମାନଙ୍କୁ ଗୋଟିଏ ସନ୍ଧ୍ୟାରେ ଏହି ନୀତି ବିଷୟରେ ଅବଗତ କରାଯାଇଥିଲା ଏବଂ ପରଦିନ ଠାରୁ ଏହି ନୀତି କାର୍ଯ୍ୟକାରୀ ହୋଇଥିଲା ।