“ଏପରି ହେବା କଥା ନୁହେଁ..”କଲେଜିୟମ ବ୍ୟବସ୍ଥା ନେଇ ଆଇନ ମନ୍ତ୍ରୀଙ୍କ ମନ୍ତବ୍ୟକୁ ନେଇ ସୁପ୍ରିମକୋର୍ଟଙ୍କ ଅସନ୍ତୋଷ
ନୂଆଦିଲ୍ଲୀ : କଲେଜିଅମ ବ୍ୟବସ୍ଥା ସଂପର୍କରେ କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ ଦେଇଥିବା ମନ୍ତବ୍ୟକୁ ନେଇ ସୁପ୍ରିମକୋର୍ଟ୍ ଅସନ୍ତୋଷ ପ୍ରକାଶ କରିଛନ୍ତି । ସୁପ୍ରିମକୋର୍ଟ ବିଚାରପତି ଜଷ୍ଟିସ୍ ସଂଜୟ କିଷନ କୌଲ ଏ ସଂପର୍କରେ କହିଛନ୍ତି ଯେ କଲେଜିୟମ ସିଷ୍ଟମକୁ ନେଇ କେତେକ ଲୋକଙ୍କ ଭିନ୍ନମତ ରହିଛି, କିନ୍ତୁ ଏହା ଥିବା ପର୍ଯ୍ୟନ୍ତ ତାହାକୁ ମାନିବାକୁ ପଡ଼ିବ । ଆମେ ଏ ସଂପର୍କିତ ପ୍ରେସ ରିପୋର୍ଟଗୁଡ଼ିକ ଉପରେ ଆମେ ଧ୍ୟାନ ଦେଉନଥିଲୁ, କିନ୍ତୁ ଜଣେ ଉଚ୍ଚପଦରେ ଥିବା ବ୍ୟକ୍ତିଙ୍କ ଠାରୁ ଏପରି ମନ୍ତବ୍ୟ ଆସିବା କଥା ନୁହେଁ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ରିଜିଜୁ କହିଥିଲେ ଯେ କଲେଜିୟମ ବ୍ୟବସ୍ଥାକୁ ନିଜେ ସୁପ୍ରିମକୋର୍ଟ ଅନୁମୋଦନ କରିଥିଲେ, କିନ୍ତୁ ଏହା ସମ୍ବିଧାନ ସମ୍ମତ ନୁହେଁ । କିଛି ଜଜଙ୍କ ଦ୍ବାରା ନିଆଯାଇଥିବାକୁ ନିଷ୍ପତ୍ତିକୁ ସମଗ୍ର ଦେଶ କିପରି ସମର୍ଥନ କରିବ ବୋଲି ସେ ପ୍ରଶ୍ନ କରିଥିଲେ ।
ଶୁଣାଣି ସମୟରେ ସୁପ୍ରିମ୍ କୋର୍ଟ ବାର୍ ଆସୋସିଏସନର ସଭାପତି ତଥା ବରିଷ୍ଠ ଓକିଲ ବିକାଶ ସିଂ ଆଇନ ମନ୍ତ୍ରୀଙ୍କ ଏହି ମନ୍ତବ୍ୟ ସଂପର୍କରେ ସୁପ୍ରିମକୋର୍ଟଙ୍କ ଦୃଷ୍ଟି ଆକର୍ଷଣ କରିଥିଲେ । ଏହା ପରେ କୋର୍ଟ ଉପରୋକ୍ତ ମନ୍ତବ୍ୟ ଦେଇଛନ୍ତି ।
ଅନ୍ୟପକ୍ଷରେ ଜଜଙ୍କ ନିଯୁକ୍ତିକୁ ନେଇ କଲେଜିୟମର ସୁପାରିଶକୁ ପାଳନ କରିବାରେ କେନ୍ଦ୍ର ସରକାର ବିଳମ୍ବ କରୁଥିବାରୁ ତାହାକୁ ନେଇ ସର୍ବୋଚ୍ଚ ନ୍ୟାୟାଳୟ ବିରକ୍ତ ହୋଇଛନ୍ତି ।