ନୂଆଦିଲ୍ଲୀ : ୨୦୦୨ ମସିହାର ନରୋଦା-ପଟିୟା ମାମଲାରେ ଗୁଜରାଟ ହାଇକୋର୍ଟଙ୍କ ଦ୍ବାରା ହୋଇଥିବା ଦଣ୍ଡାଦେଶକୁ ବିବାଦୀୟ କହି ଆଜି ସୁପ୍ରିମକୋର୍ଟ ୪ ଦୋଷୀଙ୍କୁ ଜାମିନ ମଂଜୁର କରିଛନ୍ତି। ଜଷ୍ଟିସ ଏ ଏମ୍ ଖାନ୍ୱିଲକରଙ୍କ ନେତୃତ୍ବରେ ଗଠିତ ଖଣ୍ଡପୀଠ ୪ ଦୋଷୀ ଉମେଶଭାଇ ଭରୱାଡ଼, ରାଜକୁମାର, ପଦ୍ମେନ୍ଦ୍ରସିଂହ ଯଶବନ୍ତସିଂହ ରାଜପୁତ ଏବଂ ହରଷଦଙ୍କୁ ଜାମିନ ମଂଜୁର କରିଛନ୍ତି। ୨୦୦୨ ଫେବ୍ରୁଆରି ୨୮ରେ ଅହମଦାବାଦ୍ର ନରୋଦା ପଟିୟାରେ ହୋଇଥିବା ଦଙ୍ଗାରେ ୯୭ ଜଣଙ୍କ ମୃତ୍ୟୁ ହୋଇଥିଲା। ମୃତକଙ୍କ ମଧ୍ୟରୁ ଅଧିକାଂଶ ସଂଖ୍ୟାଲଘୁ ସମ୍ପ୍ରଦାୟର ଥିଲେ।