ଆର୍ଯ୍ୟ ସମାଜର ବିବାହ ପ୍ରମାଣପତ୍ରର ଆଇନଗତ ମାନ୍ୟତାକୁ ସୁପ୍ରିମକୋର୍ଟଙ୍କ ପ୍ରତ୍ୟାଖ୍ୟାନ
ନୂଆଦିଲ୍ଲୀ: ଆର୍ଯ୍ୟ ସମାଜ ଦ୍ୱାରା ଦିଆଯାଉଥିବା ବିବାହ ପ୍ରମାଣପତ୍ରକୁ ଆଇନଗତ ମାନ୍ୟତା ଦେବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି । ଜଷ୍ଟିସ ଅଜୟ ରାସ୍ତୋଗି ଏବଂ ଜଷ୍ଟିସ ବି.ଭି ନାଗରାଥନାଙ୍କୁ ନେଇ ଏକ ଖଣ୍ଡପୀଠରେ କହିଛନ୍ତି ଯେ ଆର୍ଯ୍ୟ ସମାଜର କାର୍ଯ୍ୟ ବିବାହ ପ୍ରମାଣପତ୍ର ପ୍ରଦାନ ନୁହେଁ । କେବଳ ଦକ୍ଷ ଅଧିକାରୀମାନେ ବିବାହ ପ୍ରମାଣପତ୍ର ପ୍ରଦାନ କରନ୍ତି । ଅଦାଲତରେ ଅସଲି ପ୍ରମାଣପତ୍ର ଉପସ୍ଥାପିତ ହେବା ଦରକାର । ପ୍ରେମ ବିବାହକୁ ନେଇ ଏଭଳି କଥା କୁହାଯାଉଛି । ଏକ ମାମଲାରେ ଏକ ନାବାଳିକାର ପରିବାର ତାଙ୍କୁ ଅପହରଣ ଓ ବଳାତ୍କାର ହେଇଥିବା ଅଭିଯୋଗ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସେପଟେ ଯୁବକ ଜଣକ କହିଥିଲେ ଯେ ଝିଅକୁ ଅଠର ବର୍ଷ ହୋଇସାରିଛି ଏବଂ ସେ ନିଜ ଇଚ୍ଛାରେ ବିବାହ କରିବାକୁ ନିଷ୍ପତ୍ତି ନେଇଥିଲେ । ତେବେ ଏହି ବିବାହ ଆର୍ଯ୍ୟ ସମାଜ ମଣ୍ଡପରେ ହୋଇଥିଲା । ଯୁବକ ଜଣକ ମଧ୍ୟ କେନ୍ଦ୍ରୀୟ ଭାରତ ଆର୍ଯ୍ୟ ପ୍ରତିନିଧିଙ୍କ ଦ୍ୱାରା ଦିଆଯାଇଥିବା ବିବାହ ପ୍ରମାଣପତ୍ରକୁ କୋର୍ଟରେ ଉପସ୍ଥାପନ କରିଥିଲେ । କିନ୍ତୁ ସୁପ୍ରିମକୋର୍ଟ ଏହାକୁ ଗ୍ରହଣ କରିବାକୁ ମନା କରିଦେଇଥିଲେ । ଏପ୍ରିଲରେ ଏହି ମାମଲାରେ ମଧ୍ୟପ୍ରଦେଶ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ଆବେଦନ ଶୁଣାଣି କରିବାକୁ ସୁପ୍ରିମକୋର୍ଟ ରାଜି ହୋଇଥିଲେ । ପରେ ଜଷ୍ଟିସ କେଏମ୍ ଜୋସେଫ ଏବଂ ଜଷ୍ଟିସ ହୃଷୀକେଶ ରାୟଙ୍କ ଖଣ୍ଡପୀଠ ହାଇକୋର୍ଟଙ୍କ ନିଷ୍ପତ୍ତିକୁ ସ୍ଥଗିତ ରଖିଥିଲା । ମାସେ ଭିତରେ ସ୍ୱତନ୍ତ୍ର ବିବାହ ଅଧିନିୟମ ୧୯୫୪ ର ଧାରା ୫, ୬, ୭ ଏବଂ ୮ ର ବ୍ୟବସ୍ଥାକୁ ଅନ୍ତର୍ଭୁକ୍ତ କରିବାକୁ ହାଇକୋର୍ଟ କହିଛନ୍ତି ।