ସେତେ ଗୁରୁତର ରୋଗ ହୋଇନାହିଁ: ସୁପ୍ରିମକୋର୍ଟ

ନୂଆଦିଲ୍ଲୀ: ମନି ଲଣ୍ଡ୍ରିଙ୍ଗ ମାମଲାରେ ଗିରଫ ହୋଇଥିବା ତାମିଲନାଡୁର ମନ୍ତ୍ରୀ ସେନ୍ଥିଲ ବାଲାଜୀଙ୍କୁ ଆଜି ଝଟକା ଲାଗିଛି | ବାସ୍ତବରେ ସୁପ୍ରିମକୋର୍ଟ ତାଙ୍କୁ ଜାମିନ ଦେବାକୁ ମନା କରି ଦେଇଛନ୍ତି। ଚିକିତ୍ସା ଆଧାରରେ ଜାମିନ ପ୍ରଦାନ କରିବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି। ସୁପ୍ରିମକୋର୍ଟ କହିଛନ୍ତି ଯେ ଆମେ ଅନୁଭବ କରୁଛୁ ଯେ ଆପଣଙ୍କର ଅସୁସ୍ଥତା ସେତେ ଗମ୍ଭୀର ନୁହେଁ | ସୁପ୍ରିମକୋର୍ଟ କହିଛନ୍ତି ଯେ ନିୟମିତ ଜାମିନ ପାଇଁ ନିମ୍ନ ଅଦାଲତରେ ଏକ ପିଟିସନ ଦାଖଲ କରାଯାଉ। ସୁପ୍ରିମକୋର୍ଟଙ୍କ ଏହି ଆଭିମୁଖ୍ୟ ପରେ ସେନ୍ଥିଲ ବାଲାଜୀ ସୁପ୍ରିମକୋର୍ଟରେ କରିଥିବା ଆବେଦନକୁ ପ୍ରତ୍ୟାହାର କରି ନେଇଛନ୍ତି। ଶୁଣାଣି ସମୟରେ ସେନ୍ଥିଲ ବାଲାଜୀଙ୍କ ପକ୍ଷରୁ ହାଜର ହୋଇଥିବା ମୁକୁଲ ରୋହତଗୀ କହିଛନ୍ତି ଯେ ନିୟମିତ ଜାମିନ ପାଇଁ ସେ ନିମ୍ନ ଅଦାଲତରେ ଆବେଦନ କରିବେ। ବର୍ତ୍ତମାନ ସେ ସୁପ୍ରିମକୋର୍ଟଙ୍କ ଆବେଦନ ପ୍ରତ୍ୟାହାର କରୁଛନ୍ତି। ସୂଚନା ଥାଉ କି ଯେ ଅର୍ଥ ହେରଫେର ଅଭିଯୋଗରେ ସେନ୍ଥିଲ ବାଲାଜୀ ଜେଲରେ ଅଛନ୍ତି। ଶେଷ ଶୁଣାଣିରେ ସୁପ୍ରିମକୋର୍ଟ ତାମିଲନାଡୁର ମନ୍ତ୍ରୀ ଭି ସେନ୍ଥିଲ ବାଲାଜୀଙ୍କ ନିକଟରେ ହୋଇଥିବା ଡାକ୍ତରୀ ରିପୋର୍ଟ ଉପସ୍ଥାପନ କରିବାକୁ କହିଥିଲେ ।

ଏହାପୂର୍ବରୁ ବି ଅସୁସ୍ଥତା ଦର୍ଶାଇ ବାଲାଜୀ ସୁପ୍ରିମକୋର୍ଟରେ ଅସୁସ୍ଥତା ଦର୍ଶାଇ ଜାମିନ ଦେବାକୁ ଆବେଦନ କରିଥିଲେ। ଶୁଣାଣି ସମୟରେ ସୁପ୍ରିମକୋର୍ଟ ବାଲାଜୀଙ୍କ ଓକିଲଙ୍କୁ ନଭେମ୍ବର ୨୮ ରେ ପରବର୍ତ୍ତୀ ଶୁଣାଣିରେ ସର୍ବଶେଷ ସ୍ୱାସ୍ଥ୍ୟ ରିପୋର୍ଟ ଉପସ୍ଥାପନ କରିବାକୁ କହିଥିଲେ। ଉଲ୍ଲେଖ ଥାଉ କି ଭି ସେନ୍ଥିଲ ବାଲାଜୀ ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ଜେ ଜୟଲଳିତାଙ୍କ ନେତୃତ୍ବାଧୀନ ଏଆଇଏଡିଏମ୍‌‌କେ ସରକାରରେ ୨୦୧୧-୧୫ ମଧ୍ୟରେ ରାଜ୍ୟ ପରିବହନ ମନ୍ତ୍ରୀ ଥିଲେ। ଅଭିଯୋଗ ହୋଇଥିଲା ଯେ ସେନ୍ଥିଲ ଟ୍ରାନ୍ସପୋର୍ଟ କର୍ପୋରେସନ୍‌ରେ ଡ୍ରାଇଭର ଏବଂ କଣ୍ଡକ୍ଟର ନିଯୁକ୍ତି ପାଇଁ ବିଭିନ୍ନ ଲୋକଙ୍କଠାରୁ ଲାଞ୍ଚ ନେଇଥିଲେ। ଏନେଇ ତାଙ୍କ ବିରୋଧରେ ୩ଟି ଏତଲା ରୁଜୁ ହୋଇଥିଲା ଏବଂ ପରେ ତାଙ୍କ ବିରୋଧରେ ଚାର୍ଜସିଟ୍‌ ଦାଖଲ ହୋଇଥିଲା। ତେବେ ସ୍ବତନ୍ତ୍ର କୋର୍ଟରେ ଏହି ମାମଲା ପଡ଼ି ରହିଥିଲା। ପରେ ସୁପ୍ରିମକୋର୍ଟ ଗତ ମେ’ରେ ପୁଲିସ ଏବଂ ଇଡିକୁ ସେନ୍ଥିଲଙ୍କ ବିରୋଧରେ ଥିବା ଚାକିରି ପାଇଁ ଟଙ୍କା ଦୁର୍ନୀତି ମାମଲାର ତଦନ୍ତ ଅନୁମତି ଦେଇଥିଲେ।