ଭିକ ମାଗିବା ଉପରେ ବ୍ୟାନ ଲଗାଯାଇପାରିବନାହିଁ : ସୁପ୍ରିମକୋର୍ଟ 

ନୂଆଦିଲ୍ଲୀ: ଆଜି ଏକ ଗୁରୁତ୍ୱପୂର୍ଣ୍ଣ ପିଟିସନର ଶୁଣାଣି କରି ସୁପ୍ରିମକୋର୍ଟ ଭିକାରୀଙ୍କ ପୁନର୍ବାସ ଏବଂ ଟିକାକରଣକୁ ନେଇ କେନ୍ଦ୍ର ଏବଂ ଦିଲ୍ଲୀ ସରକାରଙ୍କଠାରୁ ଜବାବ ମାଗିଛନ୍ତି। ଫୁଟପାଥରେ ରହୁଥିବା ଲୋକ ଏବଂ ଭିକାରୀମାନଙ୍କୁ ଟିକାକରଣ ନେଇ କୋର୍ଟରେ ଏକ ପିଟିସନ ଦାଖଲ କରାଯାଇଥିଲା । ମଙ୍ଗଳବାର ଦିନ ଏହି ଶୁଣାଣି ସମୟରେ ସୁପ୍ରିମକୋର୍ଟ କହିଛନ୍ତି ଯେ ଭିକାରୀ ଏବଂ ଫୁଟପାଥରେ ରହୁଥିବା ଲୋକଙ୍କୁ ଏହି ଟିକା ଦିଆଯାଉ।

ସୁପ୍ରିମକୋର୍ଟ ତାଙ୍କ ରାୟରେ କହିଛନ୍ତି ଯେ ଲୋକଙ୍କୁ ଭିକ ମାଗିବାକୁ କୋର୍ଟ ବାରଣ କରିପାରିବ ନାହିଁ। ସୁପ୍ରିମକୋର୍ଟ କହିଛନ୍ତି ଯେ ଭିକାରୀମାନେ ସର୍ବସାଧାରଣ ସ୍ଥାନ ଏବଂ ଟ୍ରାଫିକ୍ ପୋଷ୍ଟରୁ ଦୂରେଇ ଯିବା ଉପରେ ସେ ରାୟ ଦେବେ ନାହିଁ | ଯେତେବେଳେ ଦାରିଦ୍ର୍ୟ ସେମାନଙ୍କୁ ଭିକ ମାଗିବାକୁ ବାଧ୍ୟ କରେ, କୋର୍ଟ ଏହା ଉପରେ ଏକ ସଂଭ୍ରାନ୍ତବାଦୀ ଚିନ୍ତାଧାରା ଗ୍ରହଣ କରିପାରିବେ ନାହିଁ। ଜଷ୍ଟିସ୍ ଡିଏ ଚନ୍ଦ୍ରଚୁଡ଼ ଏବଂ ଜଷ୍ଟିସ୍ ଏମଆର ଶାହା କହିଛନ୍ତି ଯେ ଯଦି ଜଣେ ଦାରିଦ୍ର୍ୟର ଶିକାର ନ ହୁଏ ତେବେ ସେମାନେ ଭିକ ମାଗିବାକୁ ଚାହିଁବେ ନାହିଁ। କୋର୍ଟ ତାଙ୍କ ମନ୍ତବ୍ୟରେ କହିଛନ୍ତି ଯେ ଶିକ୍ଷା ଏବଂ ରୋଜଗାର ଅଭାବରୁ ଲୋକମାନେ ସାଧାରଣତଃ କିଛି ମୌଳିକ ଆବଶ୍ୟକତା ପୂରଣ କରିବାକୁ ସଂଘର୍ଷ କରନ୍ତି। କିନ୍ତୁ ସେମାନେ ରାସ୍ତାରେ ଭିକ ମାଗିବାକୁ ବାଧ୍ୟ ହେଉଛନ୍ତି |

କୋର୍ଟ କହିଛନ୍ତି ଯେ ରାସ୍ତାରେ ଭିକାରୀ ରହିବା ଉଚିତ ନୁହେଁ ବୋଲି ଆମେ ଏକ ସଂଭ୍ରାନ୍ତବାଦୀ ଚିନ୍ତାଧାରା ଗ୍ରହଣ କରିବାକୁ ଚାହୁଁନାହୁଁ। ଏହା ସହିତ ଦୁଇ ସପ୍ତାହ ମଧ୍ୟରେ ଭିକାରୀମାନଙ୍କୁ ଟିକାକରଣ ନେଇ କୋର୍ଟ କେନ୍ଦ୍ର ଏବଂ ଦିଲ୍ଲୀ ସରକାରଙ୍କଠାରୁ ଜବାବ ମାଗିଛନ୍ତି।

ସମ୍ବନ୍ଧିତ ଖବର