ବିଦେଶରୁ ଫେରି ସ୍ବଇଚ୍ଛାରେ ୧୪ ଦିନିଆ ଆଇସୋଲେସନରେ ପୂର୍ବତନ କେନ୍ଦ୍ରମନ୍ତ୍ରୀ ସୁରେଶ ପ୍ରଭୁ
ନୂଆଦିଲ୍ଲୀ: ସାଉଦି ଆରବରୁ ଫେରିବା ପରେ ସ୍ବଇଚ୍ଛାରେ ଆଇସୋଲେସନରେ ଅଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ସୁରେଶ ପ୍ରଭୁ । ରକ୍ତ ନମୂନା ରିପୋର୍ଟ ନେଗେଟିଭ୍ ଆସିଥଲେ ବି ପ୍ରତିଷେଧକମୂଳକ ପଦକ୍ଷେପ ସ୍ୱରୂପ ସେ ୧୪ ଦିନ ପର୍ଯ୍ୟନ୍ତ ଆଇସୋଲେସନରେ ରହିବାକୁ ନିଷ୍ପତ୍ତି ନେଇଛନ୍ତି । ସୁରେଶ ପ୍ରଭୁ ମାର୍ଚ୍ଚ ୧୦ ତାରିଖରେ ଏକ କାର୍ଯ୍ୟକ୍ରମରେ ଯୋଗ ଦେବାକୁ ସାଉଦି ଆରବ ଯାଇଥିଲେ ଏବଂ ଫେରିବା ପରେ କରୋନା ଭାଇରସ୍ ଟେଷ୍ଟ କରିଥିଲେ । ତାଙ୍କର ରିପୋର୍ଟ ନେଗେଟିଭ୍ ଆସିଛି । ଏହା ସହିତ ଏକାଧିକ ବଲିଉଡ୍ ଷ୍ଟାର ଆଇସୋଲେସନରେ ରହିଥିବା ନେଇ ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
BJP MP Suresh Prabhu has kept himself under isolation at his residence for the next 14 days, as a precautionary measure even after testing negative, following his return from a recent visit to Saudi Arabia to attend Second Sherpas’ Meeting on 10th March 2020. (file pic) #COVID19 pic.twitter.com/jz4YYX6ecf
— ANI (@ANI) March 18, 2020
ତେଣେ ବୁଧବାର ସକାଳ ୦୯: ୦୦ ସୁଦ୍ଧା ଭାରତରେ କରୋନାଭାଇରସ୍ ଆକ୍ରାନ୍ତଙ୍କ ସଂଖ୍ୟା ୧୪୭ରେ ପହଞ୍ଚିଥିବା କଥା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟସୂତ୍ରରୁ ଜଣାପଡ଼ିଛି। ଆକ୍ରାନ୍ତମାନଙ୍କ ମଧ୍ୟରେ ଅଛନ୍ତି ୧୨୨ଜଣ ଭାରତୀୟ ଏବଂ ୨୫ଜଣ ବିଦେଶୀ ନାଗରିକ।
କରୋନାଭାଇରସ୍ରେ ଆକ୍ରାନ୍ତ ହୋଇଥିବା ଭାରତୀୟ ନାଗରିକମାନଙ୍କ ମଧ୍ୟରେ ଅଛନ୍ତି ଆନ୍ଧ୍ର ପ୍ରଦେଶର ୧, ଦିଲ୍ଲୀର ୯, ହରିୟାଣାର ୨, କର୍ଣ୍ଣାଟକର ୧୧, କେରଳର ୨୫, ମହାରାଷ୍ଟ୍ରର ୩୮, ଓଡ଼ିଶାର ୧, ପଞ୍ଜାବର ୧, ରାଜସ୍ଥାନର ୨, ତାମିଲନାଡୁର ୧, ତେଲେଙ୍ଗାନାର ୩, ଜମ୍ମୁ ଓ କଶ୍ମୀରର ୩ , ଲଦାଖର ୮, ଉତ୍ତର ପ୍ରଦେଶର ୧୫, ଉତ୍ତରାଖଣ୍ଡର ୧ ଓ ପଶ୍ଚିମବଙ୍ଗର ୧ ବ୍ୟକ୍ତି।