ଅର୍ବିନ୍ଦ କେଜରିଓ୍ଵାଲଙ୍କୁ ଟ୍ରୋଲ କଲେ ଆମ୍ ଆଦ୍ମୀ ପାର୍ଟିର ପୂର୍ବତନ ନେତା କୁମାର ବିଶ୍ୱାସ
ଟୁଇଟ୍ କରି କହିଲେ; ଏବେ କିଏ ପ୍ରମାଣ ମାଗିଲେ ତା’ ଉପରେ ୧୦୦-୨୦୦ଗ୍ରାମ୍ ବୋମା ପକାଇ ଦେବ
ନୂଆଦିଲ୍ଲୀ : ଭାରତୀୟ ବାୟୁସେନା ଭାରତ-ପାକ୍ର ନିୟନ୍ତ୍ରଣ ରେଖାକୁ ପାର କରି ଜୈସ୍-ଏ-ମହମ୍ମଦର ଆଡ୍ଡାକୁ ଧ୍ୱଂସ କରିବା ପରେ ଭାରତବାସୀଙ୍କୁ ଆତ୍ମସନ୍ତୋଷ ମିଳିଛି । ୧୨ଦିନ ଧରି ପାକିସ୍ତାନ ବିରୋଧରେ ଜାରି ରହିଥିବା ବିରୋଧ ପ୍ରଦର୍ଶନ ଏବେ ଥମି ଥିବା ବେଳେ ଭାରତୀୟ ବାୟୁସେନାର ପରାକ୍ରମକୁ ଲୋକେ ପ୍ରଂଶସା କରିବାରେ ଲାଗିଛନ୍ତି । ଏହି ଆକ୍ରମଣ ପରେ ଲୋକପ୍ରିୟ କବି ତଥା ଆମ୍ ଆଦ୍ମୀ ପାର୍ଟିର ପୂର୍ବତନ ନେତା କୁମାର ବିଶ୍ୱାସ ଲଗାତାର ଟୁଇଟ୍ କରିବାରେ ଲାଗିଛନ୍ତି । ନିଜର ଏକ ଟୁଇଟ୍ରେ, ଏବେ କିଏ ପ୍ରମାଣ ମାଗିଲେ, ତାକୁ ୧୦୦-୨୦୦ଗ୍ରାମ୍ ବୋମା ପ୍ରମାଣ ଆକାରରେ ଦେବ ବୋଲି ଭାତୀୟ ବାୟୁସେନାକୁ ଟ୍ୟାଗ୍ କରି ଲେଖିଛନ୍ତି କୁମାର ବିଶ୍ୱାସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ରେ ଉରୀରେ ଆତଙ୍କବାଦୀମାନେ ଭାରତୀୟ ସେନା ଶିବିରକୁ ଟାର୍ଗେଟ କରି ଯବାନମାନେ ଶୋଇଥିବା ସମୟରେ ସେମାନଙ୍କ ଉପରେ ଆକ୍ରମଣ କରିଥିଲେ । ଯାହା ପରେ ଭାରତ ପାକିସ୍ତାନକୁ ଉଚିତ୍ ଜବାବ ଦେଇ ସର୍ଜିକାଲ ଷ୍ଟ୍ରାଇକ୍ କରିଥିଲା । କିନ୍ତୁ ସର୍ଜିକାଲ ଷ୍ଟ୍ରାଇକ୍ ହେବା ପରେ କିଛି ଲୋକ ଏହାର ପ୍ରମାଣ ମାଗିଥିଲେ । ସେମାନଙ୍କ ମଧ୍ୟରୁ ଜଣେ ଥିଲେ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ୍ କେଜରିଓ୍ଵାଲ । ଏବେ ଦ୍ୱିତୀୟ ଥର ପାଇଁ ସର୍ଜିକାଲ ଷ୍ଟ୍ରାଇକ୍ କରାଯାଇଥିବା ବେଳେ ଅରବିନ୍ଦ୍ କେଜରିଓ୍ଵାଲଙ୍କ ପୁରୁଣା କଥାକୁ ମନେ ପକାଇ ତାଙ୍କୁ ଟ୍ରୋଲ କରିଛନ୍ତି କୁମାର ବିଶ୍ୱାସ ।
ସେ ଟୁଇଟ୍ କରି ଏଥର ସର୍ଜିକାଲ ଷ୍ଟ୍ରାଇକ୍-୨କୁ ନେଇ ଯଦି କେହି ପ୍ରମାଣ ମାଗେ, ତେବେ ଭାରତୀୟ ବାୟୁସେନାକୁ ଅନୁରୋଧ କି, ଯେପରି ୧୦୦୦ଟନ୍ ବୋମା ପକାଇ ଇମ୍ରାନ୍ ଖାନ୍ଙ୍କ ପ୍ରମାଣ ଦିଆଯାଇଛି ସେଭଳି ଭାବରେ ପ୍ରମାଣ ମାଗୁଥିବା ଲୋକକୁ ୧୦୦-୨୦୦ଗ୍ରାମ୍ ବୋମା ପ୍ରମାଣ ଆକାରରେ ଦେବେ । କୁମାରଙ୍କ ଏଭଳି ଟୁଇଟ୍ ପରେ ବଲିଉଡ୍ ଅଭିନେତା ପରେଶ ରାଓ୍ଵଲ ରି-ଟୁଇଟ୍ କରି, ହୋମ୍ ଡେଲିଭରୀର ସୁବିଧା ମଧ୍ୟ ଉପଲବ୍ଧ ଅଛି ବୋଲି ଲେଖିଥିବା ଦେଖା ଯାଇଛି ।