ହତ୍ୟା ନା ଆତ୍ମହତ୍ୟା: ଅାଜି ଏହି ରହସ୍ୟ ଉପରୁ ପରଦା ଉଠାଇବ ସୁଶାନ୍ତଙ୍କ ଭିସେରା ରିପୋର୍ଟ
ମୁମ୍ବାଇ: ଆଜି ହେବ ଖୁଲାସା। ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କୁ ହତ୍ୟା କରାଯାଇଥିବା ନା ସେ ଆତ୍ମହତ୍ୟା କରିଥିଲେ, ଆଜି ସେ ରହସ୍ୟ ଉପରୁ ପରଦା ଉଠିବ। ଖୁବ୍ ଶୀଘ୍ର ଏମ୍ସର ଫରେନସିକ୍ ଟିମ୍ ଅଭିନେତାଙ୍କ ମୃତ୍ୟୁର କାରଣ ପ୍ରକାଶ କରିବ | ଆଜି ସୁଶାନ୍ତ ସିଂ ରାଜପୁତଙ୍କ ଭିସେରା ରିପୋର୍ଟ ଆସିବ। ଭିସେରା ରିପୋର୍ଟ ପାଇବା ପରେ,ଏମ୍ସର ଡାକ୍ତରୀ ପ୍ୟାନେଲ ସୁଶାନ୍ତଙ୍କ ମୃତ୍ୟୁର ସତ୍ୟତା ଉପରେ ଏକ ଅନ୍ତିମ ବୈଠକ କରିବେ | ଏହି ସଭାରେ ସୁଶାନ୍ତଙ୍କ ଭିସେରା ଏବଂ ଶବ ବ୍ୟବଚ୍ଛେଦ ରିପୋର୍ଟ ଉପରେ ଆଲୋଚନା ହେବ।
Sambad is now on WhatsApp
Join and get latest news updates delivered to you via WhatsApp
ଭିସେରା ରିପୋର୍ଟରେ ସୁଶାନ୍ତଙ୍କୁ ବିଷ ଦିଆଯାଇଥିଲା କି ନାହିଁ ତାହା ସାମ୍ନାକୁ ଆସିବ। ଏହାପୂର୍ବରୁ କଲିନା ଫରେନସିକ୍ ସୁଶାନ୍ତଙ୍କ ଭିସେରା ରିପୋର୍ଟରେ ତାଙ୍କ ଶରୀରରେ କୌଣସି ପ୍ରକାରର ବିଷାକ୍ତ ପଦାର୍ଥ ନଥିବା ସ୍ପଷ୍ଟ କରିଥିଲା। ତେବେ ଆଜି ନୂଆ ଭିସେରା ରିପୋର୍ଟ ସୁଶାନ୍ତଙ୍କ ଶରୀରରେ କୌଣସି ବିଷାକ୍ତ ପଦାର୍ଥ ଥିଲା କି ନାହିଁ ତାହା ପ୍ରକାଶ କରିବ। ଭିସେରା ରିପୋର୍ଟ ସୁଶାନ୍ତଙ୍କ ମୃତ୍ୟୁ ସମୟ ମଧ୍ୟ ଦେବ। ଏନସିବି, ଇଡି, ସିବିଆଇ ସୁଶାନ୍ତ ମାମଲାର ତଦନ୍ତ କରୁଛନ୍ତି। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଏହି ତିନିଜଣଙ୍କ ଅନୁସନ୍ଧାନରେ ସୁଶାନ୍ତଙ୍କ ମୃତ୍ୟୁର କାରଣ ଜଣାପଡିନାହିଁ। ଏଭଳି ପରିସ୍ଥିତିରେ ଭିସେରା ରିପୋର୍ଟ ଉପରେ ସମସ୍ତଙ୍କ ନଜର ରହିଛି।