ପାକୁର (ରାଞ୍ଚି) : ଆତ୍ମଘୋଷିତ ଆଧ୍ୟାତ୍ମିକ ଓ ସାମାଜିକ କର୍ମୀ ସ୍ୱାମୀ ଅଗ୍ନିବେଶଙ୍କୁ ଝାଡ଼ଖଣ୍ଡର ପାକୁର ଠାରେ ବିଜେପି ଯୁବାମୋର୍ଚ୍ଚାର କର୍ମୀମାନେ ମାଡ ମାରିଥିବା ଅଭିଯୋଗ ହୋଇଛି । ସେ ରହୁଥିବା ହୋଟେଲରୁ ବାହାରି ଏକ କାର୍ଯ୍ୟକ୍ରମକୁ ଯାଉଥିବାବେଳେ ସେଠାରେ ଜମା ହୋଇଥିବା ଲୋକମାନେ ତାଙ୍କୁ ଅସଦାଚରଣ କରିବା ସହ ମାଡ ମାରିଥିବା ଜଣାଯାଇଛି । କିଛି ଦିନ ତଳେ ସେ ସନାତନ ଧର୍ମ ବିଷୟରେ କେତେକ ଆପତ୍ତିଜନକ ଟିପ୍ପଣୀ ଦେଇଥିଲେ । ଏହାକୁ ନେଇ ସେ କଠୋରପନ୍ଥୀ ହିନ୍ଦୁ ଗୋଷ୍ଠୀମାନଙ୍କ ଟାର୍ଗେଟରେ ଥିଲେ ।
Sambad is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ ବିଷୟ ହେଉଛି ଦେଶରେ ଉତ୍ୟକ୍ତ ଲୋକମାନେ ଏକାଠି ହୋଇ ଆଇନକୁ ହାତକୁ ନେଉଥିବାରୁ ସୁପ୍ରିମକୋର୍ଟ ଆଜି ଚିନ୍ତା ପ୍ରକଟ କରିଥିବାବେଳେ, ପୁଣି ଏପରି ଏକ ଘଟଣା ଘଟିଛି । ଦେଶରେ ଗୁଜବକୁ ବିଶ୍ୱାସ କରି ଲୋକମାନେ ଅଚିହ୍ନା ଲୋକଙ୍କୁ ପିଟି ପିଟି ମାରିଦେଉଛନ୍ତି, ଗୋରକ୍ଷକ ସାଜି ଲୋକମାନଙ୍କୁ ଆକ୍ରମଣ କରୁଛନ୍ତି । ଏହାକୁ ନେଇ ସୁପ୍ରିମକୋର୍ଟ ତାଗିଦ କରିବା ସହ ଏସବୁ ଲୋକମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉ ବୋଲି କହିଛନ୍ତି ।