ଲଖନଉ: ଯୋଗୀ ମନ୍ତ୍ରିମଣ୍ଡଳରୁ ମନ୍ତ୍ରୀ ପଦ ଛାଡି ଏସପିରେ ଯୋଗ ଦେଇଥିବା ସ୍ୱାମୀ ପ୍ରସାଦ ମୌର୍ଯ୍ୟ ପୁଣି ଥରେ ସମାଜବାଦୀ ପାର୍ଟିର ପରାଜୟ ପାଇଁ ଇଭିଏମକୁ ଦୋଷ ଦେଇଛନ୍ତି | ଫାଜିଲନଗରରେ ତାଙ୍କ ଆସନ ଜିତିବାରେ ବିଫଳ ହୋଇଥିବା ସ୍ୱାମୀ ପ୍ରସାଦ ମୌର୍ଯ୍ୟ କହିଛନ୍ତି ଯେ ବାଲାଟ ପେପର ଭୋଟିଂରେ ସମାଜବାଦୀ ପାର୍ଟି ୩୦୦ରୁ ଅଧିକ ଆସନ ଜିତିଛି, କିନ୍ତୁ ବିଜେପି ଇଭିଏମରେ ଜିତିଛି। ସେ ଉଭୟଙ୍କ ମଧ୍ୟରେ ଥିବା ପାର୍ଥକ୍ୟକୁ ନେଇ କହିଛନ୍ତି ଯେ ଇଭିଏମରେ କିଛି ନା କିଛି କାରସାଦି ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ୱାମୀ ପ୍ରସାଦ ମୌର୍ଯ୍ୟ ସୋସିଆଲ ମିଡିଆ ପ୍ଲାଟଫର୍ମ କୁରେ ଲେଖିଛନ୍ତି,ଯେ “ବାଲାଟ ପେପର ଭୋଟିଂରେ ସମାଜବାଦୀ ପାର୍ଟି ୩୦୪ଟି ଆସନ ଜିତିଥିବାବେଳେ ବିଜେପି ମାତ୍ର ୯୯ଟି ଜିତିଛି। କିନ୍ତୁ ଇଭିଏମ୍ ଗଣନାରେ ବିଜେପି ନିର୍ବାଚନରେ ଜିତିଲା, ଏହାର ଅର୍ଥ କିଛି ବଡ ଖେଳ ହୋଇଛି | ସୂଚନା ଥାଉ କି ଏକଜିଟ୍ ପୋଲରେ ବିଜେପିର ବିଜୟ ଆକଳନ କରାଯିବା ପରଠାରୁ ସମାଜବାଦୀ ପାର୍ଟି ଇଭିଏମ ଉପରେ ଦୋଷ ଲଦିବା ଆରମ୍ଭ କରିଛି |
ଦଳର ଅଧ୍ୟକ୍ଷ ଅଖିଳେଶ ଯାଦବଙ୍କ ସମେତ ଦଳର ତଥା ଅନେକ ନେତା ଇଭିଏମ୍ ଟାମ୍ପରିଂ ଅଭିଯୋଗ ଆଣିଛନ୍ତି । ସୂଚନା ଥାଉ କି ୟୁପିରେ ବିଜେପି ମିଳିତ ମଞ୍ଚ ୨୭୩ଟି ସିଟ୍ ପାଇଥିବାବେଳେ ଏସପି ମିଳିତ ମଞ୍ଚ ୧୨୫ଟି ସିଟ୍ ପାଇଛି। ସ୍ୱାମୀ ପ୍ରସାଦ ମୌର୍ଯ୍ୟ ମଧ୍ୟ ଫାଜିଲନଗରରୁ ନିର୍ବାଚନରେ ବିପୁଳ ବ୍ୟବଧାନରେ ହାରିଯାଇଥିଲେ |