ଏହି ସପ୍ତାହରେ ଉତ୍ତରପ୍ରଦେଶ ବିଜେପି ଅଧ୍ୟକ୍ଷ ପଦରୁ ଇସ୍ତଫା ଦେଇପାରନ୍ତି ସ୍ୱତନ୍ତ୍ର ଦେବ ସିଂହ
ଲଖନଉ: ଉତ୍ତରପ୍ରଦେଶ ବିଜେପି ରାଜ୍ୟ ସଭାପତି ସ୍ୱତନ୍ତ୍ର ଦେବ ସିଂ ଏହି ସପ୍ତାହରେ ତାଙ୍କ ପଦରୁ ଇସ୍ତଫା ଦେଇପାରନ୍ତି। ଆଉ ଆସନ୍ତା ସପ୍ତାହରେ ଉତ୍ତରପ୍ରଦେଶ ବିଜେପି ନୂତନ ଅଧ୍ୟକ୍ଷଙ୍କୁ ଦାୟିତ୍ୱ ମିଳିପାରେ ବୋଲି ଚର୍ଚ୍ଚା ଜୋର ଧରିଛି । ସ୍ୱତନ୍ତ୍ର ଦେବ ସିଂ ବର୍ତ୍ତମାନ ୟୁପି ସରକାରରେ ଜଳ ଶକ୍ତି ମନ୍ତ୍ରୀ ଥିବାବେଳେ ଦଳରେ ‘ଗୋଟିଏ ପଦବୀ ଗୋଟିଏ ପରମ୍ପରା’ ବା ‘ଜଣେ ବ୍ୟକ୍ତି, ଗୋଟିଏ ପଦବୀ’ ନୀତି ରହିଥିବାରୁ ଏଭଳି ପରିସ୍ଥିତିରେ ସ୍ୱତନ୍ତ୍ର ଦେବ ସିଂ ଉତ୍ତରପ୍ରଦେଶ ବିଜେପି ସଭାପତି ପଦରୁ ଇସ୍ତଫା ଦେବେ ବୋଲି ବିଶ୍ୱାସ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଉତ୍ତରପ୍ରଦେଶରେ ପୁଣିଥରେ ବିଜେପି ସରକାର ଗଠନ ହେବା ପରେ ବିଜେପିର ନୂତନ ରାଜ୍ୟ ସଭାପତିଙ୍କ ବିଷୟରେ ଆଲୋଚନା ତୀବ୍ର ହେବାରେ ଲାଗିଛି। ୟୁପି ବିଜେପି ସଭାପତି ଚୟନ କରିବାବେଳେ କେନ୍ଦ୍ରୀୟ ନେତୃତ୍ୱ ଆଗାମୀ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ନିଷ୍ପତ୍ତି ନେବେ ବୋଲି କୁହାଯାଉଛି |
ୟୁପିର ନୂତନ ବିଜେପି ସଭାପତି ଭାବେ ପୂର୍ବତନ ଉପ-ମୁଖ୍ୟମନ୍ତ୍ରୀ ଦୀନେଶ ଶର୍ମା, ବାବୁରାମ ନିଶାଦ, ପ୍ରକାଶ ପାଲ, ପୂର୍ବତନ ବିଧାନସଭା ବାଚସ୍ପତି ହୃଦୟ ନାରାୟଣ ଦୀକ୍ଷିତ, ଶିବ ପ୍ରତାପ ଶୁକ୍ଲା, ପୂର୍ବତନ ରାଜ୍ୟ ସଭାପତି ଲକ୍ଷ୍ମୀକାନ୍ତ ବାଜପେୟୀ, ନରେଶ ଅଗ୍ରୱାଲଙ୍କ ନାମକୁ ନେଇ ଚର୍ଚ୍ଚା ଜୋର ଧରିଛି ।