ରାଞ୍ଚି: ଦେଶର କରୋନାଭାଇରସ୍ ଲକ୍ଡାଉନ୍ ସମୟରେ ମଦର ଅଧିକ ଚାହିଦା ଥିବାରୁ ଖାଦ୍ୟ ଡେ଼ଲିଭର କରୁଥିବା ଦୁଇଟି କମ୍ପାନୀ ସ୍ଵିଗି-ଜୋମାଟୋ ଆଜିଠାରୁ କେତେକ ସହରରେ ମଦର ହୋମ ଡେଲିଭରି କରିବା ଆରମ୍ଭ କରିଛନ୍ତି । ସରକାର ଲକଡାଉନର କିଛି ପ୍ରତିବନ୍ଧକକୁ ହ୍ରାସ କରିବା ପରେ ଏହି ମାସ ଆରମ୍ଭରେ ଶତାଧିକ ଲୋକ ମଦ ଦୋକାନରେ ଧାଡି ବାନ୍ଧିବା ଆରମ୍ଭ କରିଥିଲେ, ଯାହା ଦ୍ୱାରା ପୁଲିସ କେତେକ କ୍ଷେତ୍ରରେ ଭିଡ଼ କମାଇବା ପାଇଁ ଲାଠିଚାର୍ଜ କରିଥିବା ଖବର ସାମ୍ନାକୁ ଆସିଥିଲା | ତେବେ ଭିଡକୁ ଦୃଷ୍ଟିରେ ରଖି କିଛି ରାଜ୍ୟର ସରକାର ହୋମ ଡେଲିଭରି ଉପରେ ବିଚାର କରି ଏହାକୁ ଅନୁମତି ଦେଇଥିଲେ | ଏବେ ଲକଡାଉନ କାରଣରୁ ଲୋକେ ଡରରେ ଖାଦ୍ୟ ଅର୍ଡର କରୁ ନଥିବାରୁ ସ୍ଵିଗି-ଜୋମାଟୋ ମଦର ହୋମ ଡେଲିଭରୀ କରିବାକୁ ନିଷ୍ପତ୍ତି ନେଇଛନ୍ତି |

Advertisment

ଝାଡ଼ଖଣ୍ଡର କିଛି ସହରରେ ଏହି ସୁବିଧା ଉପଲବ୍ଧ ହେବାକୁ ଥିବା ବେଳେ ଆଜି ରାଞ୍ଚିଠାରୁ ଏହି ସେବା ଆରମ୍ଭ କରାଯିବ ବୋଲି ପୃଥକ ବିବୃତି ଜାରି କରି କହିଛନ୍ତି ସ୍ଵିଗି-ଜୋମାଟୋ | ଅଧିକ ସ୍ଥାନରେ ଏହି ସେବା ଆରମ୍ଭ କରିବା ପାଇଁ ଏକାଧିକ ରାଜ୍ୟ ସହ ଉନ୍ନତ ଆଲୋଚନା ହୋଇଛି ବୋଲି ସ୍ଵିଗି କହିଛି ଏବଂ ସ୍ମାର୍ଟଫୋନ୍ ମାଧ୍ୟମରେ ମଦ୍ୟପାନକୁ ଅନୁମତି ଦେବା ପଦକ୍ଷେପ ସାମାଜିକ ଦୂରତା ଏବଂ ଗ୍ରାହକଙ୍କ ସୁରକ୍ଷାକୁ ପ୍ରୋତ୍ସାହିତ କରିବ ବୋଲି ଉଭୟ ସଂସ୍ଥା କହିଛନ୍ତି।

Jharkhand News: Liquor Lovers in Ranchi Can Rejoice as Swiggy ... India.com

ବେଙ୍ଗାଲୁରୁସ୍ଥିତ ସ୍ଵିଗି ଉପାଧ୍ୟକ୍ଷ ଅନୁଜ ରାଠୀ କହିଛନ୍ତି ଯେ, ମଦ୍ୟପାନର ଘରୋଇ ବିତରଣକୁ ସକ୍ଷମ କରି ଆମେ ଭିଡକୁ ହ୍ରାସ କରିବା ସହ ଖୁଚୁରା ଆଉଟଲେଟ୍ ପାଇଁ ଅତିରିକ୍ତ ବ୍ୟବସାୟ ସୃଷ୍ଟି କରିପାରିବା। ଉଭୟ ସ୍ଵିଗି ଏବଂ ଜୋମାଟୋ ସେମାନଙ୍କର ମୂଳ ବ୍ୟବସାୟରେ କ୍ଷତି ସହିବା ସହ ଦୁଇ ମାସର ଲକଡାଉନ୍ ସମୟରେ ରେଷ୍ଟୁରାଣ୍ଟଗୁଡିକ ବନ୍ଦ ରହିଥିବାରୁ କମ୍ପାନୀ ନିଜ କର୍ମଚାରୀଙ୍କୁ ଛଟେଇ କରିବାକୁ ବାଧ୍ୟ ହୋଇଥିଲା |