ଭାରତ ଟି-୨୦ ବିଶ୍ବକପ ବିଜେତା ହେବାପରେ ୪୦ହଜାର ଫୁଟ ଉଚ୍ଚରେ ଖୁସିରେ ଝୁମିଲେ ଯାତ୍ରୀ

ନୂଆଦିଲ୍ଲୀ: ଭାରତ ଟି-୨୦ ବିଶ୍ବକପ ବିଜେତା ହେବାପରେ ଦଳର ସଦସ୍ୟଙ୍କୁ ଶୁଭେଚ୍ଛାର ଛୁଟି ଆସୁଛି। ସମଗ୍ର ଦେଶରେ ଏହି ବିଜୟର ଉତ୍ସବ ପାଳନ କରାଯାଉଥିବା ଦେଖିବାକୁ ମିଳିଛି। ଗତ ଶନିବାର ରାତିରେ ଲୋକେ ବାଣ ଫୁଟାଇବା ସହିତ ରାସ୍ତାରେ ଦଳଦଳ ହୋଇ ନାଚିଥିବା ଦେଖିବାକୁ ମିଳିଥିଲା। କିଛି ସମୟ ପାଇଁ ଦୀପାବଳି ଭଳି ବାତାବରଣ ହୋଇଯାଇଥିଲା। ଏହାର ପ୍ରଭାବ ରବିବାର ବି ରହିଛି। ଭାରତ ବିଜୟର ଏହି ଉତ୍ସାବ କେବଳ ସଡ଼କପଥରେ ନୁହେଁ ସମୁଦ୍ର ତଟରୁ ୪୦,୦୦୦ଫୁଟ ଉଚ୍ଚରେ ବି ଦେଖିବାକୁ ମିଳିଥିଲା।

ଏହାର ଏକ ଭିଡିଓ ସୋସିଆଲ ମିଡିଆ ଏକ୍ସରେ ବିନମ୍ରା ‌ଲୋଙ୍ଗାନି ନାମକ ବ୍ୟବହାରକାରୀ ସେୟାର କରିଛନ୍ତି। ଯେଉଁଥିରେ ଲଣ୍ଡନ ଯାଉଥିବା ବିସ୍ତାରାର ବିମାନରେ ଯାତ୍ରୀଙ୍କୁ ଭାରତ ବିଜୟୀ ହେବାପରେ ଉତ୍ସାହିତ ହୋଇ ଝୁମିଥିବା ଦେଖିବାକୁ ମିଳୁଛି।

#TeamIndia's win of the #T20WorldCup2024 being celebrated 40,000 ft in the air on a @airvistara flight enroute #London !
My friend @i_hardeepsingh (in yellow watching the match on his laptop) just sent me this.
You have got to love In-flight WiFi !#AvGeek #PaxEx pic.twitter.com/ouJWLQX5iM

— VT-VLO (@Vinamralongani) June 29, 2024

ବିନମ୍ରା ‌ଲୋଙ୍ଗାନି କହିଛନ୍ତି, ‘ଏହି ଭିଡିଓକୁ ତାଙ୍କର ଜଣେ ସାଙ୍ଗ ତାଙ୍କ ପାଖକୁ ପଠାଇବା ପରେ ସେ ଏହାକୁ ପୋଷ୍ଟ କରିଛନ୍ତି।’