ନାଳରୁ ମିଳିଲା କନେଷ୍ଟବଳଙ୍କ ମୃତଦେହ, ପ୍ରେମିକ ତହସିଲଦାର ଗିରଫ
ଲଖନଉ: ବିବାହ ପାଇଁ ବାଧ୍ୟ କରିବାରୁ ମହିଳା କନେଷ୍ଟବଳଙ୍କୁ ହତ୍ୟା କଲେ ତହସିଲଦାର | ଆଉ ପୁଲିସ ଏହି ଘଟଣାରେ ତହସିଲଦାରଙ୍କ ସମେତ ଦୁଇ ଜଣଙ୍କୁ ଗିରଫ କରିଛି | ମିଳିଥିବା ସୂଚନା ମୁତାବକ ଲଖନଉର ମାତି ନାଳରୁ ଗୁରୁବାର ଏକ ମୃତଦେହ ମିଳିଥିଲା | ଏହି ମୃତଦେହ ନିଖୋଜ ମହିଳା କନଷ୍ଟେବଳ ରୁଚି ସିଂଙ୍କର ଥିଲା ବୋଲି ସ୍ପଷ୍ଟ ହୋଇଥିଲା | ଆଉ ଏହି ଘଟଣାରେ ପୁଲିସ ପ୍ରତାପଗଡର ରାନିଗଞ୍ଜର ତହସିଲଦାରଙ୍କ ସହ ଦୁଇଜଣଙ୍କୁ ପୁଲିସ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ପୁଲିସର ସୂଚନା ମୁତାବକ ଯେତେବେଳେ ରୂଚିଙ୍କ ମୋବାଇଲ ନମ୍ବରକୁ ଅନୁସନ୍ଧାନ କରାଯାଇଥିଲା ସେତେବେଳେ ଏକ ସନ୍ଦିଗ୍ଧ ନମ୍ବର ମିଳିଥିଲା | ଆଉ ଏହି ନମ୍ବରଟି ପ୍ରତାପଗରର ରାନିଗଞ୍ଜରେ ତହସିଲଦାର ଥିବା ପଦ୍ମେସ ଶ୍ରୀବାସ୍ତବଙ୍କର ଥିଲା | ଏହା ପରେ ତହସିଲଦାରଙ୍କୁ ଅଟକ ରଖାଯାଇ ପଚରାଉଚୁରା କରାଯାଇଥିଲା | ପଚରାଉଚରା ବେଳେ ପଦ୍ମେସ କହିଥିଲେ ଯେ ଫେସବୁକ ମାଧ୍ୟମରେ ରୁଚିଙ୍କ ସହ ବନ୍ଧୁତା ହୋଇଥିଲା | ଆଉ ବନ୍ଧୁତା ଧୀରେ ଧୀରେ ନିବିଡ ସମ୍ପର୍କର ରୂପ ନେଇଥିଲା |
ତେବେ ରୁଚି ପୂର୍ବରୁ ବିବାହିତ ଥିଲେ ଓ ବିବାହ ପାଇଁ ତହସିଲଦାରଙ୍କୁ କ୍ରମାଗତ ଭାବରେ ଚାପ ପକାଉଥିଲେ | ତେଣୁ ତାଙ୍କୁ ହତ୍ୟା କରିଥିବାର ତହସିଲଦାର ସ୍ୱୀକାର କରିଛନ୍ତି | ତେବେ କେବେ ଓ କେମିତି ହତ୍ୟା କଲେ ଏସବୁ ପ୍ରଶ୍ନର ଉତ୍ତର ପାଇବାକୁ ସେମାନଙ୍କୁ ପଚରାଉଚରା କରାଯାଉଛି ବୋଲି ପୁଲିସ କହିଛି |