ନୂଆଦିଲ୍ଲୀ: ମୁମ୍ବାଇରେ ୨୦୦୮ ମସିହାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣାରେ ସାମିଲ ଥିବା ଆତଙ୍କବାଦୀଙ୍କ ମଧ୍ୟରୁ ଜଣେ ହେଉଛି ତହୱୁରର ରାଣା। ରାଣାକୁ ଭାରତ ଅଣାଯିବା ପରେ ପଚରାଉଚରା ସମୟରେ ସେ ଡେଭିଡ୍ ହେଡଲି ଏବଂ ଲସ୍କର-ଏ-ତୈବା ସହିତ ତାଙ୍କର ସମ୍ପର୍କ ବିଷୟରେ ବିସ୍ତୃତ ସୂଚନା ଦେଇଛି।

Advertisment

ହେଡଲି ହେଉଛି ସେହି ଆତଙ୍କବାଦୀ ଯିଏ ଆକ୍ରମଣ ପୂର୍ବରୁ ମୁମ୍ବାଇ ଆସିଥିଲା ଏବଂ ତାଜ ହୋଟେଲ, ଚାବାଦ ହାଉସ, ଲିଓପୋଲ୍ଡ କାଫେ ସମେତ ମୁମ୍ବାଇର ଅନେକ ଗୁରୁତ୍ୱପୂର୍ଣ୍ଣ ସ୍ଥାନରେ ରେକି କରିଥିଲେ। ପରେ, ଆଇଏସଆଇ ଏବଂ ପାକିସ୍ତାନୀ ସେନା ଦ୍ୱାରା ପ୍ରଶିକ୍ଷିତ ଆତଙ୍କବାଦୀ ସଂଗଠନ ଲସ୍କର-ଏ-ତୈବାର ଆତଙ୍କବାଦୀମାନେ ମୁମ୍ବାଇର ତାଜ ହୋଟେଲ, ବାର୍, ରେସ୍ତୋରାଁ ଏବଂ ଚାବାଦ ହାଉସ ସମେତ ଅନେକ ସ୍ଥାନରେ ଆକ୍ରମଣ କରିଥିଲେ।ଯେଉଁଥିରେ ୧୬୬ ଜଣ‌ଲୋକ ପ୍ରାଣ ହରାଇଥିଲେ।

ପଚରାଉଚରା ସମୟରେ ତହୱୁର କହିଛି, ‘ମୁଁ ମୂଳତଃ ପାକିସ୍ତାନର ପଞ୍ଜାବର ଚିଚାବୱତନି ଗାଁର ବାସିନ୍ଦା। ମୋର ସ୍ୱର୍ଗତ ପିତା ରାଣା ଭଲ୍ଲି ମହମ୍ମଦ ଜଣେ ପ୍ରିନ୍ସିପାଲ ଥିଲେ।  ମୁଁ  ଆର୍ମି ସ୍କୁଲରେ ପଢ଼ିବା ବେଳେ ଡାଭିଡ ହେଡଲୀ ସହ ପରିଚିତ ହୋଇଥିଲା। ହେଡଲୀ ହେଉଛି ମୁମ୍ବାଇ ଆତଙ୍କୀ ହମଲାର ଅନ୍ୟତମ ଷଡ଼ଯନ୍ତ୍ରକାରୀ। ଏବେ ସେ ଆମେରିକା ଜେଲରେ ବନ୍ଦୀ ହୋଇ ରହିଛି।  ମୋତେ ଯେତେବେଳେ ମୁମ୍ବାଇରେ ହେଡଲିର ଅବତରଣ ସ୍ଥାନ ବିଷୟରେ ସୂଚନା ଦେବା ବିଷୟରେ ପଚରାଗଲା, ମୁଁ ଏହାକୁ ମନା କରିଦେଲି। 

କେବଳ ଏତିକି ନୁହେଁ ହାଫିଜ୍ ସଇଦଙ୍କୁ ଭେଟିବା ବିଷୟରେ ପଚରାଯିବା ସମୟରେ ମୁଁ କହିଥିଲି ଯେ ମୁଁ ତାଙ୍କୁ କେବେ ଭେଟି ନାହିଁ, କିନ୍ତୁ ମୁଁ ଜାଣିଥିଲି ଯେ ଲସ୍କର-ଏ-ତୈବା, ହରକତ-ଉଲ୍-ଜିହାଦ ଏବଂ ଜୈଶ-ଏ-ମହମ୍ମଦ ପାକିସ୍ତାନର ଆତଙ୍କବାଦୀ ସଂଗଠନ। 

ଭାରତର ବଶୀର ଶେଖଙ୍କ ବିଷୟରେ ପଚରାଯିବାରୁ ମୁଁ କହିଥିଲି ଯେ ସେ ମୋତେ କାନାଡାରେ ଭେଟିଥିଲେ ଏବଂ ହେଡଲିକୁ ମୁମ୍ବାଇରେ ରହିବା ପାଇଁ ସ୍ଥାନ ଖୋଜିବାରେ ସାହାଯ୍ୟ କରିଥିଲେ।’