ନୂଆଦିଲ୍ଲୀ: କ୍ଷମତାକୁ ଆସିବା ପରେ ତାଲିବାନ ମଙ୍ଗଳବାର ଦିନ ସମସ୍ତ ସରକାରୀ କର୍ମଚାରୀଙ୍କ ପାଇଁ ସାଧାରଣ କ୍ଷମା ପ୍ରାର୍ଥନା କରିଛି। ଏହା ସହ ପୂର୍ବ ସରକାରଙ୍କ ସହ କାମ କରୁଥିବା ସମସ୍ତ କର୍ମଚାରୀ ପୁଣି ଥରେ କାର୍ଯ୍ୟାଳୟକୁ ଫେରନ୍ତୁ ବୋଲି କହିଛି ତାଲିବାନ। ସମସ୍ତଙ୍କ ପାଇଁ ଏକ ସାଧାରଣ କ୍ଷମା ପ୍ରାର୍ଥନା ଘୋଷଣା କରାଯାଇଛି। ତେଣୁ ତୁମେ ତୁମର ନିତିଦିନିଆ ଜୀବନକୁ ସମ୍ପୂର୍ଣ୍ଣ ଆତ୍ମବିଶ୍ୱାସର ସହ ଆରମ୍ଭ କରିବା ଉଚିତ ବୋଲି ତାଲିବାନ ଏକ ବିବୃତ୍ତି ଜାରି କରି କହିଛି।
Sambad is now on WhatsApp
Join and get latest news updates delivered to you via WhatsApp
ପୂର୍ବ ଆଫଗାନିସ୍ତାନ ସରକାରଙ୍କ କର୍ମଚାରୀଙ୍କ ପାଇଁ ସାଧାରଣ କ୍ଷମା ଘୋଷଣା କରିବାବେଳେ ତାଲିବାନର ଜଣେ ଅଧିକାରୀ ମହିଳାମାନଙ୍କୁ ତାଙ୍କ ସରକାରରେ ଯୋଗଦେବାକୁ ଅନୁରୋଧ କରିଛନ୍ତି। ଇସଲାମିକ୍ ଏମିରେଟ୍ସର ସାଂସ୍କୃତିକ ଆୟୋଗର ସଦସ୍ୟ ଏନାମୁଲ୍ଲା ସାମଙ୍ଗାନି ଆଫଗାନିସ୍ତାନ ରାଜ୍ୟ ଟେଲିଭିଜନରେ ଏହି ମନ୍ତବ୍ୟ ଦେଇଛନ୍ତି, ଯାହା ଏବେ ଆତଙ୍କବାଦୀଙ୍କ ନିୟନ୍ତ୍ରଣରେ ରହିଛି।
ଅନ୍ୟପକ୍ଷରେ ବିଭିନ୍ନ ଦେଶ ଆଫଗାନିସ୍ତାନରେ ଥିବା ଦୂତାବାସକୁ ବନ୍ଦ କରିବାରେ ଲାଗିଛନ୍ତି। ଆଫଗାନିସ୍ତାନରେ ସୁରକ୍ଷା ଅବସ୍ଥା ଖରାପ ହେବା କାରଣରୁ ଜାପାନ କାବୁଲରେ ଥିବା ଦୂତାବାସକୁ ବନ୍ଦ କରିଦେଇଛି ଏବଂ ଶେଷ ୧୨ଜଣ ଦୂତାବାସ କର୍ମଚାରୀ ମଧ୍ୟ ଦେଶ ଛାଡିଛନ୍ତି ବୋଲି ମଙ୍ଗଳବାର ଦିନ ଜାପାନ ବୈଦେଶିକ ମନ୍ତ୍ରାଳୟ କହିଛି।