ନୂଆଦିଲ୍ଲୀ : ଉଦାରତା ସମ୍ପର୍କରେ ତାଲିବାନ ପକ୍ଷରୁ ଯେତେ ବି ଭାଷଣ ଦିଆଗଲେ ବି ଆଫଗାନିସ୍ତାନ ଲୋକମାନେ ତାହାକୁ ବିଶ୍ବାସ କରିପାରୁନାହିନ୍ତି । କାରଣ ତାଲିବାନ ଲୋକମାନଙ୍କ ଆସୁରୀକ ପ୍ରକୃତିକୁ ସାଧାରଣ ଲୋକେ ଭୁଲିପାରୁନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ଭାରତ ପଳାଇଆସିଥିବା ଜଣେ ଆଫଗାନ ମହିଳା ଗଣମାଧ୍ୟମ ଆଗରେ ତାଲିବାନ ମୁଜାହିଦମାନଙ୍କ କ୍ରୁର ଅତ୍ୟାଚାର ସମ୍ପର୍କରେ କେତେକ ଲୋମହର୍ଷକ କଥା କହିଛନ୍ତି । ସେ କହିଛନ୍ତି ଯେ ତାଲିବାନ ଲୋକମାନେ ଆଫଗାନିସ୍ତାନର ବିଭିନ୍ନ ଅଞ୍ଚଳ ଅଧିକାର କରିବାରେ ଅତ୍ୟନ୍ତ କ୍ରୁର ପାଲଟିଯାଇଛନ୍ତି । ବିଶେଷ କରି ମହିଳାମାନଙ୍କ ଉପରେ ଅତ୍ୟାଚାର ବଢିଯାଇଛି । ବିଭିନ୍ନ ଘରୁ ମହିଳାମାନଙ୍କୁ ଜୋର ଜବରଦସ୍ତି ଅପହରଣ କରି ବଳାତ୍କାର କରାଯାଉଛି । ଏପରିକି ସେମାନେ ମୃତମହିଳାମାନଙ୍କ ସହ ସମ୍ଭୋଗ କରିବାକୁ ପଛଉ ନାହାନ୍ତି ।
ମୁସ୍କାନ ନାମକ ଏହି ମହିଳା ଆଫଗାନ ପୁଲିସ ବିଭାଗରେ କାମ କରୁଥିଲେ । ସେ କହିଛନ୍ତି, ତାଲିବାନର ଅତ୍ୟାଚାର ଭୟରେ ସେ ପଳାଇଆସିଛନ୍ତି । ତାଲିବାନର ଲୋକମାନେ ଘରକୁ ଘର ବୁଲି ଯୁବତୀମାନଙ୍କୁ ଉଠାଇ ନେଉଛନ୍ତି ଓ ଦୁଷ୍କର୍ମ କରିବା ପରେ ହତ୍ୟା କରିବାକୁ ପଛଉ ନାହାନ୍ତି । ଏପରିକି ସେମାନେ ଦୁଷ୍କର୍ମ କରିବାବେଳେ ମୃତ ଦେହକୁ ମଧ୍ୟ ଛାଡୁନାହାନ୍ତି ।