ମହିଳାମାନଙ୍କ ପାଇଁ ନର୍କ ହୋଇଯାଇଛି ଆଫଗାନିସ୍ତାନ : ଘରକୁ ଘର ବୁଲି ଝିଅ ଖୋଜୁଛନ୍ତି ତାଲିବାନୀ
କାବୁଲ : ଆଫଗାନିସ୍ତାନ ତାଲିବାନ ଅଧିନକୁ ଆସିବା ପରେ ସେଠାରେ ଥିବା ମହିଳାମାନଙ୍କ ଜୀବନ ଦୁର୍ବିସହ ହୋଇପଡ଼ିଛି । ତାଲିବାନ ଅତ୍ୟାଚାର ଭୟରେ ଆଫଗାନିସ୍ତାନ ଛାଡ଼ିଥିବା ହୋଲି ମାକେ ନାମକ ସାମ୍ବାଦିକା ଆମେରିକୀୟ ସମ୍ବାଦପତ୍ର ଡଲାସ ମର୍ଣ୍ଣିଂ ନ୍ୟୁଜରେ ଲେଖିଛନ୍ତି, ଗତ ସପ୍ତାହରେ କାବୁଲ ଅଧିକାର ପରେ ତାଲିବାନର ଲୋକମାନେ ଘରକୁ ଘର ବୁଲି ଯୁବତୀମାନଙ୍କୁ ଖୋଜୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମାକେ ଲେଖିଛନ୍ତି ଯେ, ବିବାହ ପାଇଁ ତାଲିବାନ ପକ୍ଷରୁ ଘରକୁ ଘର ବୁଲି ୧୫ ବର୍ଷରୁ ଅଧିକ ବୟସର କିଶୋରୀ ଓ ଯୁବତୀମାନଙ୍କୁ ଖୋଜୁଛନ୍ତି ଓ ଉଠାଇ ନେଉଛନ୍ତି । ହୋଲି ମାକେ ଆଫଗାନିସ୍ତାନ ଛାଡିବାରେ ସଫଳ ହୋଇଥିବା ବେଳେ ତାଙ୍କ ପଛରେ ରହିଯାଇଥିବା ତାଙ୍କ ବନ୍ଧୁମାନେ ଆତଙ୍କ ଭିତରେ ଦିନ କାଟୁଛନ୍ତି ।
ଆଫଗାନିସ୍ତାନରେ ରହିଯାଇଥିବା ନିଜର ଜଣେ ବନ୍ଧୁ ଫରିହା ଇଜରଙ୍କ ଠାରୁ ମିଳିଥିବା ସୂଚନା ଆଧାରରେ ମାକେ ଲେଖିଛନ୍ତି ଯେ, ବଦକସାନ ରାଜ୍ୟ ଅଧିକାର କରିବା ପରେ ତାଲିବାନର ଲୋକମାନେ ଘରକୁ ଘର ବୁଲି ଯୁବତୀମାନଙ୍କୁ ଖୋଜିବା ଆରମ୍ଭ କରିଦେଲେ । ଦିନେ ରାତିରେ, ତାଲିବାନ ଲୋକମାନେ ଗୋଟିଏ ଘରୁ ଜଣେ ୨୧ ବର୍ଷୀୟା ଯୁବତୀକୁ ଉଠାଇ ନେଲେ । ବିବାହ କରିବାକୁ ତାକୁ ନିଆଯାଉଛି ବୋଲି ଯୁବତୀଙ୍କ ପିତାଙ୍କୁ କୁହାଗଲା । କିନ୍ତୁ ପରେ ଜଣାପଡ଼ିଲା ଯେ ପ୍ରତିଦିନ ରାତିରେ ଅତି କମରେ ୪ ଜଣ ତାଲିବାନ ଆତଙ୍କବାଦୀ ତାକୁ ଦୁଷ୍କର୍ମ କରୁଛନ୍ତି । ଏହି ଘଟଣାରେ ପରେ ଯୁବତୀଙ୍କ ପିତା ନିଜର ଅନ୍ୟ ଝିଅମାନଙ୍କୁ ନେଇ ଘରଛାଡ଼ି ଏକ ଗୋପନ ସ୍ଥାନକୁ ପଳାଇଗଲେ ।