ସମୟ ବଢ଼ାଇଲା ତାମିଲନାଡୁ, ଆସନ୍ତାକାଲି ସକାଳ ୫ଟା ପର୍ଯ୍ୟନ୍ତ ଜାରି ରହିବ ଜନତା କର୍ଫ୍ୟୁ
ତାମିଲନାଡୁ: କରୋନାଭାଇସର୍ ସହ ଏବେ ସାରା ବିଶ୍ୱ ଲଢେଇ କରୁଛି| ଲୋକଙ୍କୁ ସତର୍କ ରହିବା ପାଇଁ କହିବା ସହ ଭାଇରସର ମୁକାବିଲା ପାଇଁ ସରକାର ଏବେ ଚେଷ୍ଟା ଜାରି ରଖିଛନ୍ତି | କରୋନାଭାଇସର୍ ସଂକ୍ରମଣକୁ ରୋକିବା ପାଇଁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜନତା କର୍ଫ୍ୟୁର ଘୋଷଣା କରିଥିବା ବେଳେ ସାରା ଦେଶ ମୋଦିଙ୍କ ଆହ୍ବାନକୁ ପାଳନ କରିଥିବା ଦେଖା ଯାଇଛି | ରାସ୍ତାଘାଟ ଶୂନଶାନ ରହିବା ସହ ଲୋକେ ଘରେ ରହି ଜନତା କର୍ଫ୍ୟୁକୁ ପାଳନ କରୁଥିବା ଦେଖାଯାଇଛି |
Sambad is now on WhatsApp
Join and get latest news updates delivered to you via WhatsApp
ତେବେ ସାରା ଦେଶରେ ରବିବାର ସକାଳ ୭ଟାରୁ ରାତି ୯ଟା ପର୍ଯ୍ୟନ୍ତ ଜନତା କର୍ଫ୍ୟୁ ପାଳନ କରାଯିବ ବୋଲି ପ୍ରଧାନମନ୍ତ୍ରୀ ମୋଦୀ କହିଥିବା ବେଳେ ଏହାକୁ ଆସନ୍ତାକାଲି ସକାଳ ୫ଟା ପର୍ଯ୍ୟନ୍ତ ବୃଦ୍ଧି କରିଛି ତାମିଲନାଡୁ | ସଂକ୍ରମଣକୁ ଦୃଷ୍ଟିରେ ରଖି ତାମିଲନାଡୁ ସରକାର ଏହାକୁ ବୃଦ୍ଧି କରିବା ପାଇଁ ନିଷ୍ପତି ନେଇଛନ୍ତି | ଯାହାଦ୍ୱାରା ସଂକ୍ରମଣ ସଂଖ୍ୟା କମ ହୋଇପାରିବ ବୋଲି ଆଶା ରଖିଛନ୍ତି ସରକାର |
ସୂଚନା ମୁତାବକ, ଭାରତରେ ସଂକ୍ରମଣ ସଂଖ୍ୟା ଦିନକୁ ଦିନ ବଢୁଥିବା ଦେଖି ପ୍ରଧାନମନ୍ତ୍ରୀ ମୋଦୀ ଏଭଳି ନିଷ୍ପତି ନେଇଥିଲେ | ଯାହାକୁ ଆଜି ସାରା ଦେଶ ପାଳନ କରିଛି | ଏହି ପ୍ରସାରକୁ ରୋକିବା ପାଇଁ ପ୍ରଧାନମନ୍ତ୍ରୀ ମୋଦୀ ସାମାଜିକ ଦୂରତା ବଜାୟ ରଖିବା ପାଇଁ ଆହ୍ୱାନ ଦେଇଥିଲେ | ପ୍ରଧାନମନ୍ତ୍ରୀ ଶନିବାର ଏକ ଟେଲିଭିଜନ ସମ୍ବୋଧନରେ କହିଥିଲେ, “ଏହି ଜନତା କର୍ଫ୍ୟୁ ଅଧୀନରେ କେହି ନିଜ ଘରୁ ବାହାରକୁ କିମ୍ବା ନିଜ ପଡ଼ୋଶୀରେ ଏକାଠି ହେବା ଉଚିତ୍ ନୁହେଁ। କେବଳ ଜରୁରୀ ସେବା ସହିତ ଜଡ଼ିତ ଲୋକମାନେ ବାହାରକୁ ଯିବା ଉଚିତ୍ |”