ତାମିଲନାଡୁ: ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ଏଆଇଏଡିଏମ୍କେ
ଚେନ୍ନାଇ: ଆସନ୍ତା ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ତାମିଲ୍ନାଡୁର ଶାସକ ଦଳ ଏଆଇଏଡିଏମ୍କେ। ଏହି ତାଲିକାରେ ମୁଖ୍ୟମନ୍ତ୍ରୀ ଇକେ ପଲାନୀସ୍ବାମୀ ଓ ଉପମୁଖ୍ୟମନ୍ତ୍ରୀ ଓ ପନୀରସେଲ୍ଭମଙ୍କ ସମେତ ସମୁଦାୟ ୬ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି ଏଆଇଏଡିଏମ୍କେ।
Sambad is now on WhatsApp
Join and get latest news updates delivered to you via WhatsApp
ନିଜ ଘର ସେଲମ୍ ଜିଲ୍ଲାର ଏଡପ୍ପାଦୀ ନିର୍ବାଚନ ମଣ୍ଡଳିରୁ ନିର୍ବାଚନ ଲଢ଼ିବେ ମୁଖ୍ୟମନ୍ତ୍ରୀ ପଲାନୀସ୍ବାମୀ ଓ ବୋନ୍ଦିନୟାଗନୁରୁରୁ ନିର୍ବାଚନ ଲଢ଼ିବେ ଉପମୁଖ୍ୟମନ୍ତ୍ରୀ ଓ. ପନୀରସେଲ୍ଭମ।
மாண்புமிகு முதல்வர் திரு. எடப்பாடி கே. பழனிசாமி, மாண்புமிகு துணை முதல்வர் திரு. ஓ.பன்னீர்செல்வம் ஆகியோரின் முக்கிய அறிவிப்பு.
சட்டமன்ற பேரவை பொது தேர்தல் – 2021
கழக வேட்பாளர்கள் முதல் பட்டியல். pic.twitter.com/l73K5aoEqF
— AIADMK (@AIADMKOfficial) March 5, 2021
ସେହିପରି ରୋୟାପୁରମ୍ରୁ ଡି ଜୟ କୁମାର, ଭିଲୁୁପୁରମ୍ରୁ ସିଭି ସାନ୍ମୁଗାମ୍, ଶ୍ରୀଭାଇଗୁନ୍ଦମ୍ରୁ ସାନମୁଗନାଥନ୍ ଓ ନିଲାକୋଟାଇରୁ ଏସ୍ ଥେନ୍ମୋଜି ନିର୍ବାଚନ ଲଢ଼ିବେ ବୋଲି ପ୍ରାର୍ଥୀ ତାଲିକାରେ ପ୍ରକାଶ ପାଇଛି।
ଉଲ୍ଲେଖଯୋଗ୍ୟ, ୨୩୪ ସଦସ୍ୟ ବିଶିଷ୍ଟ ତାମିଲନାଡୁ ବିଧାନସଭାରେ ଆସନ୍ତା ଏପ୍ରିଲ ୬ ତାରିଖରେ ଏକକ ପର୍ଯ୍ୟାୟ ମତଦାନ ହେବ ଏବଂ ଭୋଟ୍ ଗଣନା ହେବ ମେ ୨ ତାରିଖରେ।