ସୌନ୍ଦର୍ଯ୍ୟାଙ୍କ ସୌନ୍ଦର୍ଯ୍ୟରେ ବିମୋହିତ ହେଲେ ପ୍ରଭୁ: ମନ୍ଦିର ପୂଜକଙ୍କ ଝିଅଙ୍କୁ ବିବାହ କଲେ ଦଳିତ ବିଧାୟକ
ବାହାଘରକୁ ନେଇ ଉଠିଲା ବିବାଦ
ଚେନ୍ନାଇ: ସୌନ୍ଦର୍ଯ୍ୟାଙ୍କ ସୌନ୍ଦର୍ଯ୍ୟରେ ବିମୋହିତ ହେଲେ ବିଧାୟକ | ପ୍ରଥମ ଦେଖାରେ ଚୋରି ହୋଇଗଲା ବିଧାୟକଙ୍କ ମନ | ସୌନ୍ଦର୍ଯ୍ୟାଙ୍କ ସୁନ୍ଦର ଚେହେରା ଓ ମତୁଆଲା ଆଖି ହିଁ ପ୍ରଭୁଙ୍କୁ ପ୍ରେମରେ ପକେଇଦେଇଥିଲା | ଆଉ ତାମିଲନାଡୁର ଏଆଇଏଡିଏମକେର ୩୬ ବର୍ଷୀୟ ଦଳିତ ବିଧାୟକ ଏ.ପ୍ରଭୁ ତାଙ୍କର ୧୯ ବର୍ଷର ଗର୍ଲଫ୍ରେଣ୍ଡଙ୍କୁ ବିବାହ କରିବା ପରେ ଏବେ ଚାରିଆଡେ ଚର୍ଚ୍ଚା ଜୋର ଧରିଛି | କାରଣ ସୌନ୍ଦର୍ଯ୍ୟାଙ୍କ ବାପା ବିଧାୟକଙ୍କ ନାମରେ ସଙ୍ଗୀନ ଅଭିଯୋଗ ଆଣିଛନ୍ତି | ସୌନ୍ଦର୍ଯ୍ୟାଙ୍କ ବାପା ସ୍ଥାନୀୟ ଏକ ମନ୍ଦିରରେ ପୂଜକ ଥିବାବେଳେ ତାଙ୍କ ଝିଅକୁ ଅପହରଣ କରାଯାଇ ବିବାହ କରିଦିଆଯାଇଥିବାର ଅଭିଯୋଗ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ କାଲାକୁରିଚି ନିର୍ବାଚନମଣ୍ଡଳୀର ଶାସକ ବିଧାୟକ ଏ.ପ୍ରଭୁ ସୋମବାର ଝିଅର ପରିବାରର ତୀବ୍ର ବିରୋଧ ସତ୍ତ୍ୱେ କଲେଜରେ ପଢ଼ୁଥିବା ଏସ.ସୌନ୍ଦର୍ଯ୍ୟାଙ୍କୁ ବିବାହ କରିଥିଲେ | ଏହି ବିବାହକୁ ନେଇ ସ୍ଥାନୀୟ ମନ୍ଦିରର ପୁରୋହିତ ତଥା ଝିଅର ବାପା ଏସ.ସ୍ୱାମୀନାଥନ ତାଙ୍କ ଝିଅକୁ ଅପହରଣ କରାଯାଇଥିବାର ଅଭିଯୋଗ କରିଛନ୍ତି। କୌଣସି ଫଇସଲା ନ କଲେ ସେ ଆତ୍ମହତ୍ୟା କରିବାକୁ ଧମକ ଦେଇଥିଲେ ଏବଂ ଜିଲ୍ଲା ପୁଲିସ ତାଙ୍କ ବିରୋଧରେ ଆତ୍ମହତ୍ୟା ଉଦ୍ୟମ ମାମଲା ରୁଜୁ କରିଥିଲା।
ସୌନ୍ଦର୍ଯ୍ୟାଙ୍କୁ ଜବରଦସ୍ତ ବିବାହ କରିବା ଘଟଣାକୁ ପ୍ରଭୁ ଅସ୍ୱୀକାର କରିଛନ୍ତି | ପ୍ରଭାସ କହିଛନ୍ତି ଯେ ତାଙ୍କର ଏବଂ ସୌନ୍ଦର୍ଯ୍ୟାଙ୍କ ମଧ୍ୟରେ ଗତ କିଛି ମାସ ଧରି ପ୍ରେମ ସମ୍ପର୍କ ଥିଲା | ପ୍ରଭୁଙ୍କ କହିବାନୁସାରେ, ତାଙ୍କ ପରିବାର ଆନୁଷ୍ଠାନିକ ଭାବେ ସ୍ୱାମୀନାଥନଙ୍କ ବିବାହ ପାଇଁ ସମ୍ମତି ଲୋଡିଥିଲେ। ତେବେ, ସ୍ୱାମୀନାଥନ୍ ସମ୍ପୂର୍ଣ୍ଣ ଭାବେ ମନା କରିଦେଇଥିଲେ। ପ୍ରଭାସ କହିଛନ୍ତି ଯେ ସେ ତାଙ୍କ ପିତାମାତାଙ୍କ ଆଶୀର୍ବାଦରେ ସୌନ୍ଦର୍ଯ୍ୟାଙ୍କୁ ବିବାହ କରିଛନ୍ତି।