ଓବାମାଙ୍କ ନେଟ୍‌ଫ୍ଲିକ୍ସ ଡକୁସିରିଜ୍‌ରେ ଟାଟା ଅଧ୍ୟକ୍ଷ ଚନ୍ଦ୍ରଶେଖରନ

ନୂଆଦିଲ୍ଲୀ: ଆମେରିକାର ପୂର୍ବତନ ରାଷ୍ଟ୍ରପତିଙ୍କ ନେଟ୍‌ଫ୍ଲିକ୍ସ ଡକୁସିରିଜ୍‌ ‘ୱା‌ର୍କିଂ’ର ବହୁ ଦୃଶ୍ୟରେ ଟାଟା ସନ୍ସ ଅଧ୍ୟକ୍ଷ ଏନ୍ ଚନ୍ଦ୍ରଶେଖରନକୁ ଦେଖିବାକୁ ମିଳିବ। ୱାର୍କିଂର ଟ୍ରେଲରକୁ ଓବାମା ଜାରି କରିଛନ୍ତି। ସେଥିରେ ଚନ୍ଦ୍ରଶେଖରନଙ୍କୁ ଦେଖିବାକୁ ମିଳୁଛି। ଏହି ଡକୁସିରିଜ୍‌ରେ ଓବାମାଙ୍କୁ ଆମେରିକାର ବିଭିନ୍ନ ଶିଳ୍ପ କ୍ଷେତ୍ରର କର୍ମଚାରୀମାନଙ୍କ ସହ କଥାବାର୍ତ୍ତା ହେଉଥିବାର ଦେଖିବାକୁ ମିଳିବ।

ନିଜ ଚାକିରିକୁ କର୍ମଚାରୀମାନେ କିଭଳି ବୁଝୁଛନ୍ତି ଏବଂ ଭବିଷ୍ୟତକୁ ନେଇ ସେମାନଙ୍କ କ’ଣ ଆଶା ରହିଛି ତାହା ଓବାମା ଜାଣିବାକୁ ଉଦ୍ୟମ କରୁଛନ୍ତି। ମେ’ ୧୭ରେ ୱାର୍କିଂର ପ୍ରିମିୟର ହେବ। ଡକ୍ୟୁମେଣ୍ଟାରି ଓ ୱେବ୍‌ ସିରିଜ୍‌ର ମିଶ୍ରଣରେ ପ୍ରସ୍ତୁତ ସୋ’ଗୁଡ଼ିକୁ ଡକୁସିରିଜ୍ କୁହାଯାଉଛି।