ଦର ବଢ଼ାଇଲା ରେଳବାଇ: ଏବେ ଟ୍ରେନ୍ରେ ଦିଆଯାଉଥିବା ଚା ଓ କଫିର ମୂଲ୍ୟ ୧୦ ଟଙ୍କା
ନୂଆଦିଲ୍ଲୀ: ଟ୍ରେନ୍ରେ ପରିବେଷଣ କରାଯାଉଥିବା ଚା ଓ କଫିର ମୂଲ୍ୟ ୭ ଟଙ୍କାରୁ ୧୦ ଟଙ୍କାକୁ ବୃଦ୍ଧି କରିଛି ଭାରତୀୟ ରେଳବାଇ। ରେଳରେ ଦିଆଯାଉଥିବା ମିଲ୍ସ୍ର ତରିଫ୍ ଓ ମେନୁକୁ ସମୀକ୍ଷା କରିବା ପରେ ଇଣ୍ଡିଆନ୍ ରେଲ୍େଓ୍ଵ କ୍ୟାଟେରିଙ୍ଗ୍ ଆଣ୍ଡ୍ ଟୁରିଜିମ୍ କର୍ପୋରେସନ୍ ନୂତନ ମୂଲ୍ୟ ବୃଦ୍ଧି କଥା ଘୋଷଣା କରିଛି।
Sambad is now on WhatsApp
Join and get latest news updates delivered to you via WhatsApp
ସେପ୍ଟେମ୍ବର ୧୮ ତାରିଖରେ ରେଳବାଇ ବୋର୍ଡ ଇସ୍ୟୁ କରିଥିବା ସର୍କ୍ୟୁଲାର୍ରେ ଉଲ୍ଲେଖ ଅଛି: ଚା ଓ କଫିର ମୂଲ୍ୟ ସଂଶୋଧିତ ହୋଇ କପ୍ ପିଛା ୧୦ଟଙ୍କାରେ ଧାର୍ଯ୍ୟ କରାଗଲା। କିନ୍ତୁ, ଷ୍ଟାଣ୍ଡାଡ୍ର୍ ଚା ( ଡିପ୍ ଚା ନୁହେଁ) ୫ ଟଙ୍କାରେ ମିଳିବ। ସେହି ଅନୁସାରେ ଲାଇସେନ୍ସ୍ର ଦର ପରିବର୍ତ୍ତନ କରି ଆବଶ୍ୟକ ଅନୁସାରେ ଦର୍ ନିର୍ଦ୍ଧାରଣ କରିବାକୁ ବୋର୍ଡ କହିଛି। ପଣ୍ଟ୍ରି କାର୍ ଥିବା ପ୍ରାୟ ୩୫୦ ଟ୍ରେନ୍ରେ ଆଇଆର୍ସିଟିସି କାର୍ଟର୍ କରୁଛି। ରାଜଧାନୀ ଓ ଶତାବ୍ଦୀ ଟ୍ରେନ୍ରେ ଖାଦ୍ୟ ପ୍ୟାକେଟ୍ ପ୍ରିପେଡ୍ ଥିବାରୁ ତାହାର ମୂଲ୍ୟ ପରିବର୍ତ୍ତନ କରାଯିବ ନାହିଁ।
ଭେଣ୍ଡର୍ମାନେ କଫି ଓ ଚା’ର ମୂଲ୍ୟ ଠାରୁ ଅଧିକ ମୂଲ୍ୟ ନେଉଛନ୍ତି ବୋଲି ଅଭିଯୋଗ ହେବାରୁ ରେଳବାଇ ବୋର୍ଡ ଦାମ୍ ସଂଶୋଧନ କଲା ବୋଲି କୁହାଯାଉଛି।