ତେଲ ଅଭିବ: ଇସ୍ରାଏଲ ଏବଂ ହମାସ ଆତଙ୍କବାଦୀ ସଂଗଠନ ମଧ୍ୟରେ ଯୁଦ୍ଧ ଜାରି ରହିଛି। ଏହା ଯୋଗୁ ଗାଜାର ଜନସାଧାରଣଙ୍କ ସଙ୍କଟ ବଢ଼ିବାରେ ଲାଗିଛି। ପ୍ରିୟପରିଜନଙ୍କୁ ହରାଇ ଥିବା ଲୋକଙ୍କ ଆଖିରୁ ଲୁହ ଶୁଖୁ ନଥିବା ବେଳେ ଗୋଟିଏ ପରେ ଗୋଟିଏ ଦୁଃଖ ଯୋଗୁ ମନରେ କୋହ ବଢ଼ିଚାଲିଛି। ଲୋକେ ଖାଦ୍ୟ ନ ପାଇ ଦିନ ଦିନ ଧରି ଭୋକ ଉପାସରେ ପଡ଼ି ରହିଛନ୍ତି। ଭୋକିଲାଙ୍କ ପାଇଁ ଆକାଶ ମାର୍ଗରୁ ଖାଦ୍ୟ ପ୍ୟାକେଟ ପକାଯାଉଛି।
ଆକାଶ ମାର୍ଗରୁ ପକାଯାଉଥିବା ଖାଦ୍ୟ ପ୍ୟାକେଟ ତଳେ ଚାପି ହୋଇ ୫ ଜଣ ଲୋକଙ୍କ ଜୀବନ ଯାଇଛି। ଏହି ଘଟଣାରେ ୧୦ ଜଣ ଆହତ ହୋଇଛନ୍ତି। ଗାଜାର ଅଲ୍-ଶିଫା ହସ୍ପିଟାଲ ପକ୍ଷରୁ ଏ ସମ୍ପର୍କରେ ସୂଚନା ପ୍ରଦାନ କରାଯାଇଛି।
ଗଣମାଧ୍ୟମ ସଂସ୍ଥା ରିପୋର୍ଟ ଅନୁସାରେ ଏହି ଘଟଣା ଗାଜାର ଅଲ୍-ଶାତି ଶରଣାର୍ଥୀ ଶିବିର ନିକଟରେ ଏହ ଦୁଃଖଦ ଘଟଣା ଘଟିଛି। ଆକାଶ ମାର୍ଗରୁ ଖସୁଥିବା ଖାଦ୍ୟ ପ୍ୟାକେଟ ବିମାନରୁ ପାରାଚ୍ୟୁଟରେ ପକାଯାଇଥିଲା। ମାତ୍ର ପାରାଚ୍ୟୁଟ ଖୋଲି ନଥିଲା। ଖାଦ୍ୟ ପାଇଁ ଏକ ଘର ଛାତ ଉପରେ ଅପେକ୍ଷା କରିଥିବା ଭୋକିଲା ଲୋକଙ୍କ ଉପରେ ଏହା ପଡ଼ିଯାଇଥିଲା। ଖାଦ୍ୟ ପ୍ୟାକେଟ ତଳେ ଚାପି ହୋଇ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ଘଟିଥିଲା। ମୃତକ ଏବଂ ଆହତଙ୍କୁ ଅଲ୍-ଶିଫା ହସ୍ପିଟାଲକୁ ଅଣାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଆମେରିକା ଏବଂ ଜୋର୍ଡାନ ପକ୍ଷରୁ ମିଳିତ ଭାବେ ଗାଜାରେ ଆକାଶ ମାର୍ଗରୁ ଖାଦ୍ୟ ପ୍ୟାକେଟ ପକାଯାଉଛି। ତେବେ ଏହି ଘଟଣାରେ ଜୋର୍ଡାନ ବିମାନ ସାମିଲ ନଥିବା ଜୋର୍ଡାନ ସରକାର କହିଛନ୍ତି।