ଟେକ୍ ମହିନ୍ଦ୍ରାର ବଡ଼ ନିଷ୍ପତ୍ତିି : କମ୍ପାନିର ପୁରୁଷ ସମଲିଙ୍ଗୀ କର୍ମଚାରୀଙ୍କୁ ଥଟ୍ଟା କରିବାରୁ ବହିଷ୍କୃତ ହେଲେ ମହିଳା କର୍ମଚାରୀ
ମୁମ୍ବାଇ : ମୁଖ୍ୟ ବିବିଧତା ଅଧିକାରୀଙ୍କୁ କମ୍ପାନିରୁ ବହିଷ୍କାର କରିଛି ଟେକ୍ ମହିନ୍ଦ୍ରା । ଜନୈକ ପୁରୁଷ ସମଲିଙ୍ଗୀ କର୍ମଚାରୀଙ୍କୁ ମୁଖ୍ୟ ବିବିଧତା ଅଧିକାରୀ ରିଚା ଗୌତମ ଥଟ୍ଟା କରିଥିବାରୁ କମ୍ପାନୀ ତରଫରୁ ଏଭଳି ନିଷ୍ପତ୍ତିି ନିଆଯାଇଥିବା ଜଣାପଡ଼ିଛି । ଥଟ୍ଟା କରିବାର ଅଭିଯୋଗ ଆସିବା ପରେ ପ୍ରଥମେ କମ୍ପାନୀ ତରଫରୁ ଏ ନେଇ ତଦନ୍ତ କରାଯାଇଥିଲା । ପରେ ମହିଳା କର୍ମଚାରୀ ରିଚା ଗୌତମ ଦୋଷୀ ବୋଲି ଜଣା ପଡ଼ିଥିଲା । ରିଚାଙ୍କୁ ଚାକିରିରୁ ବାହାର କରିବା ସହ ପୁରୁଷ ସମଲିଙ୍ଗୀ କର୍ମଚାରୀ ଗୌରବ ପ୍ରୋବିର୍ ପ୍ରମାନିକ୍ଙ୍କୁ କମ୍ପାନୀ ତରଫରୁ କ୍ଷମା ପ୍ରାର୍ଥନା କରାଯାଇଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ଗୌରବ ସମଲିଙ୍ଗୀ ବୋଲି ଜଣା ପଡ଼ିବା ପରେ ଏହି ଖବରଟି କମ୍ପାନୀରେ ଚାରି ଆଡ଼େ ପ୍ରସାରିତ ହୋଇ ଯାଇଥିଲା । ଯାହାକୁ ନେଇ ରିଚା ଗୌରବଙ୍କୁ ସମସ୍ତଙ୍କ ଆଗରେ ଅସମ୍ମାନ କରିଥିଲେ । ଏ ନେଇ ଗୌରବ ଅଭିଯୋଗ ଆଣିବା ପରେ ତଦନ୍ତ କରି ରିଚାଙ୍କୁ କମ୍ପାନୀରୁ ବାହାର କରିଛି ଟେକ୍ ମହିନ୍ଦ୍ରା । କିନ୍ତୁ ଏ ପର୍ଯ୍ୟନ୍ତ କମ୍ପାନୀ ତରଫରୁ ତଦନ୍ତର ଫଳାଫଳ ଜଣାଇବା ପାଇଁ ଗୌରବଙ୍କ ପାଖକୁ କୌଣସି ଇ-ମେଲ କିମ୍ବା ଫୋନ ଆସି ନାହିଁ ବୋଲି ସେ କହିଛନ୍ତି । ଏହା ସହ ବହିଷ୍କାର ଏଭଳି ସମସ୍ୟାର ସମାଧାନ ନୁହଁ ବୋଲି କହିବା ସହ ଏଭଳି ପରିସ୍ଥିତି ଆଗକୁ ହେବ ନାହିଁ ବୋଲି କମ୍ପାନୀ କ’ଣ ପଦକ୍ଷପ ନେଇଛି ତାହା ଜାଣିବାକୁ ଚାହିଁଛନ୍ତି ଗୌରବ ।