କୋଟା: କ୍ଷମା କରିବ ବାପା, ମୁଁ ଜେଇଇ କରିପାରିବି ନାହିଁ | ଏଭଳି ଲେଖି ଜୀବନ ହାରିଲେ ଯୁବକ | ଶୁକ୍ରବାର ଦିନ ରାଜସ୍ଥାନର କୋଟାରେ ଘଟିଛି ଏଭଳି ଘଟଣା | ଛାତ୍ର ଜଣକ ବିହାରର ଭାଗଲପୁର ଜିଲ୍ଲାର ବାସିନ୍ଦା ଥିଲେ | ତାଙ୍କ ନାମ ଅଭିଷେକ କୁମାର ବୋଲି ଜଣାପଡିଛି। ଏବର୍ଷର ଏହା ଷଷ୍ଠ ଘଟଣା ହୋଇଥିବା ବେଳେ ଏଭଳି ଛାତ୍ରଛାତ୍ରୀମାନେ ଜୀବନ ହାରିବା ଘଟଣା ପୁଲିସ ପ୍ରଶାସନ ପାଇଁ ଚିନ୍ତାର କାରଣ ପାଲଟିଛି |
Sambad is now on WhatsApp
Join and get latest news updates delivered to you via WhatsApp
ପୁଲିସର କହିବା ମୁତାବକ, ବିଜ୍ଞାନ ନଗର ଅଞ୍ଚଳରେ ରହୁଥିବା ଅଭିଷେକ ଜାନୁଆରି ୨୯ ଏବଂ ଫେବ୍ରୁଆରି ୧୯ରେ ଥିବା ୨ଟି ପରୀକ୍ଷା ଦେଇନଥିଲେ | ଏହା ପରେ ଆଜି ସକାଳେ ସେ ଏଭଳି ପଦକ୍ଷପ ନେଇଥିବା ଜଣାପଡିଥିଲା | ତାଙ୍କ ରୁମରୁ ବିଷ ବୋତଲ ଓ ସୁଇସାଇଡ ନୋଟ ମିଳିଛି, ଯେଉଁଥିରେ ଜେଇଇ କରିପାରିବି ନାହିଁ ବୋଲି ଲେଖିଛନ୍ତି ମୃତକ | ଏହା ସହିତ ସେ ନିଜ ବାପାଙ୍କୁ ମଧ୍ୟ କ୍ଷମା ମାଗିଛନ୍ତି | ଏବେ ତାଙ୍କ ମୃତଦେହକୁ ଶବଗୃହରେ ରଖାଯାଇଛି | ପରିବାର ଲୋକେ ପହଞ୍ଚିବା ପରେ ବ୍ୟବଚ୍ଛେଦ କରାଯିବ |
ଉଲ୍ଲେଖଯୋଗ୍ୟ, ଗତବର୍ଷ ୨୯ଜଣ ଛାତ୍ର ଜୀବନ ହାରିଥିବା ବେଳେ ଏବର୍ଷ ୬ଜଣ ଜୀବନ ହାରିଲେଣି |