ଆଜି ବିବାହ ବନ୍ଧନରେ ଆବଦ୍ଧ ହେବେ ଲାଲୁଙ୍କ ପୁଅ, ମୁଖ୍ୟମନ୍ତ୍ରୀ ନୀତିଶ କୁମାର ଯୋଗ ଦେବେ ତ !
ନୂଆଦିଲ୍ଲୀ: ଶନିବାର ବିବାହ ବନ୍ଧନରେ ବାନ୍ଧି ହେବେ ଆରଜେଡି ମୁଖ୍ୟ ଲାଲୁ ଯାଦବଙ୍କ ପୁଅ ତେଜପ୍ରତାପଙ୍କ ଯାଦବ ଓ ଆରଜେଡି ବିଧାୟକ ତଥା ପୂର୍ବତନ ମନ୍ତ୍ରୀ ଚନ୍ଦ୍ରିକା ରାୟଙ୍କ ଝିଅ ଐଶ୍ୱର୍ଯ୍ୟା ରାୟ । ଏହି ବିବାହକୁ ନେଇ ଦୁଇ ପରିବାର ଜୋରଦାର ପ୍ରସ୍ତୁତି କରିଛନ୍ତି । ଗତକାଲି ଉଭୟଙ୍କ ହଲଦୀ ରସମ ସରିଛି। ଲାଲୁଙ୍କ ପୁଅ ବାହାଘରରେ ବହୁ ରାଜନେତା ତଥା ବିଶିଷ୍ଟ ବ୍ୟକ୍ତି ସାମିଲ ହେବା କାର୍ଯ୍ୟକ୍ରମ ରହିଛି । ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ସିଂହ ଯାଦବ, ପୂର୍ବତନ ଜେଡିୟୁ ମୁଖ୍ୟ ଶରଦ ଯାଦବ, ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ, ବାବୁଲାଲ ମରାଣ୍ଡି ଓ ବରିଷ୍ଠ ଓକିଲ ରାମ ଜେଠମଲାନିଙ୍କ ଏହି ତେଜପ୍ରତାପଙ୍କ ବାହାଘରରେ ସାମିଲ ହେଉଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଏହା ସହ ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କ ଝିଅ ପ୍ରିୟଙ୍କା ଗାନ୍ଧି ମଧ୍ୟ ସାମିଲ ହେବା ନେଇ ଚର୍ଚ୍ଚା ହେଉଛି। ତେବେ ଏହାରି ଭିତରେ ସମସ୍ତଙ୍କ ନଜର ରହିବ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଉପରେ । କାରଣ ତେଜପ୍ରତାପ ଓ ଐଶ୍ୱର୍ଯ୍ୟାଙ୍କ ବିବାହରେ ଯୋଗ ଦେଇ ନବଦମ୍ପତିଙ୍କୁ ଆର୍ଶୀବାଦ ଦେବାକୁ ମୁଖ୍ୟମନ୍ତ୍ରୀ ନୀତିଶ କୁମାର ପହଂଚିବାର ମଧ୍ୟ କାର୍ଯ୍ୟକ୍ରମ ରହିଛି । ଗତବର୍ଷ ମହାମେଣ୍ଟ ଭାଙ୍ଗିବା ପରେ ଲାଲୁ ଓ ନୀତିଶଙ୍କର ଏହା ହେବ ପ୍ରଥମ ସାକ୍ଷାତ ।