ସରକାରଙ୍କ ୮୩ଟି ତେଜସ ବିମାନ ଖରିଦ ନିଷ୍ପତ୍ତି ଦ୍ବାରା ୫୦ ହଜାର ନିଯୁକ୍ତି ସୁଯୋଗ ସୃଷ୍ଟି ହେବ : ରାଜନାଥ
ନୂଆଦିଲ୍ଲୀ : କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି ଯେ ହିନ୍ଦୁସ୍ତାନ ଏରୋନୋଟିକ୍ସ ଲିଃ (ହାଲ୍)ଠାରୁ ୮୩ଟି ତେଜସ ବିମାନ ଖରିଦ ପ୍ରସ୍ତାବକୁ କେନ୍ଦ୍ର ସରକାରଙ୍କ ମଂଜୁରୀ ଦ୍ବାରା ଦେଶରେ ପ୍ରାୟ ୫୦ ହଜାର ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ । ଆଜି ସେନାର ଭେଟେରାନ୍ସ ଡେ ଅବସରରେ ଅନୁଷ୍ଠିତ ଏକ ସମାରୋହରେ ଯୋଗ ଦେଇ ସେ ଏକଥା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ସେ କହିଥିଲେ ଯେ ଭାରତୀୟ ବାୟୁସେନା ପାଖକୁ ୮୩ଟି ତେଜସ ବିମାନ ଆସିବା ଦ୍ବାରା ବାୟୁସେନାର ଶକ୍ତିବୃଦ୍ଧି ପାଇବ । ସ୍ବଦେଶୀ ଜ୍ଞାନକୌଶଳରେ ନିର୍ମିତ ଏହି ବିମାନଗୁଡ଼ିକ ବାୟୁସେନାର ମେରୁଦଣ୍ଡ ପାଲଟିବ । ତେଜସ ଉତ୍ପାଦନ ପାଇଁ ହାଲ ପକ୍ଷରୁ ଇତି ମଧ୍ୟରେ ନିଜର ନାସିକ ଓ ବାଙ୍ଗାଲୁରୁ କାରଖାନା ପରିସରରେ ଅତିରିକ୍ତ କାରଖନା ସ୍ଥାପନ କରାଯାଇଛି ।
ନିରାପତ୍ତା ସମ୍ପର୍କିତ କ୍ୟାବିନେଟ କମିଟି ଗତକାଲି (ବୁଧବାର) ପ୍ରାୟ ୪୮ ହଜାର କୋଟି ଟଙ୍କା ବିନିମୟରେ ୮୩ଟି ତେଜସ ବିମାନ ଖରିଦ ପ୍ରସ୍ତାବକୁ ମଂଜୁରୀ ଦେଇଥିଲା । ଏହି ୮୩ଟି ବିମାନ ମଧ୍ୟରେ ୭୩ଟି ତେଜସ ଲଢୁଆ ବିମାନ ଓ ୧୦ଟି ତେଜସ ଅଭ୍ୟାସ ବିମାନ ଅନ୍ତର୍ଭୁକ୍ତ ।