ଆଇପିଏଲରୁ ମୁଖ୍ୟମନ୍ତ୍ରୀ ପ୍ରାର୍ଥୀର ଯାତ୍ରା: କେମିତି ବଦଳିଥିଲା ତେଜସ୍ୱୀଙ୍କ ରାସ୍ତା
ପାଟନା: ଲାଲୁ ଯାଦବଙ୍କ ସାନପୁଅ ତଥା ମହାଗଠବନ୍ଧନର ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ୱୀ ଯାଦବଙ୍କ ଅତୀତ ତାଙ୍କ ବର୍ତ୍ତମାନଠାରୁ କମ୍ ରୋଚକ ନୁହେଁ। ୨୦୨୦ ବିଧାନସଭା ନିର୍ବାଚନରେ ଜନସାଧାରଣ ତେଜସ୍ୱୀଙ୍କୁ କେତେ ପସନ୍ଦ କରୁଛନ୍ତି ତାହା ନଭେମ୍ବର ୧୦ ରେ ଭୋଟ୍ ଗଣତି ପରେ ଜଣା ପଡିବ | କିନ୍ତୁ ଆପଣ ଜାଣନ୍ତି କି ରାଜନୀତିକୁ ଆସିବା ପୂର୍ବରୁ ତେଜସ୍ୱୀ କ୍ରିକେଟ୍ ରେ ତାଙ୍କ କ୍ୟାରିଅର୍ କରିବାକୁ ମନସ୍ଥ କରିଥିଲେ |
Sambad is now on WhatsApp
Join and get latest news updates delivered to you via WhatsApp
ଆଜି ଆମେ ଆପଣଙ୍କୁ କହିବୁ ଯେ ଆଇପିଏଲରେ ଖେଳୁଥିବା ତେଜସ୍ୱୀ କିଭଳି ରାଜନୀତିରେ ସାମିଲ ହୋଇଯାଇଥିଲେ | ତେଜସ୍ୱୀ ମଧ୍ୟ ଆଇପିଏଲ ବା ଇଣ୍ଡିଆନ ପ୍ରିମିୟର ଲିଗର ଜଣେ ଖେଳାଳି ଥିଲେ। ସେ ୨୦୦୮ ରୁ ୨୦୧୨ ପର୍ଯ୍ୟନ୍ତ ଦିଲ୍ଲୀ ଡେୟାରଡେଭିଲ୍ସ ଦଳର ସଦସ୍ୟ ଥିଲେ କିନ୍ତୁ ତାଙ୍କୁ ପଡିଆରେ ଖେଳିବାର ସୁଯୋଗ କେବେ ମିଳି ନ ଥିଲା। ସେ ସବୁବେଳେ ପ୍ୟାଭିଲିୟନରେ ହିଁ ବସିଥିଲେ | ତେବେ ଏହାପୂର୍ବରୁ ସେ ଝାଡ଼ଖଣ୍ଡ ରାଜ୍ୟ କ୍ରିକେଟ୍ ଦଳର ସଦସ୍ୟ ଭାବରେ ରଣଜୀ ଟ୍ରଫି ଖେଳିଥିଲେ।
କିନ୍ତୁ ଆରଜେଡି ସୁପ୍ରିମୋ ଥିବା ଲାଲୁ ପ୍ରସାଦ ଯାଦବ ବଡ଼ପୁଅ ତେଜ ପ୍ରତାପଙ୍କ ଅପେକ୍ଷା ସାନ ପୁଅ ତେଜସ୍ୱୀଙ୍କୁ ରାଜନୈତିକ ଦୃଷ୍ଟିରୁ ପସନ୍ଦ କରିଥିଲେ। ସେଥିପାଇଁ ତ ଯେତେବେଳେ ୨୦୧୫ ନିର୍ବାଚନରେ ଆରଜେଡି ଏବଂ ଜେଡିୟୁର ମିଳିତ ସରକାର ଗଠନ ହେଲା, ଲାଲୁ ତେଜସ୍ୱୀଙ୍କୁ ଡେପୁଟି ସିଏମ୍ ବା ଉପମୁଖ୍ୟମନ୍ତ୍ରୀ କରିଥିଲେ। ପରେ, ଯେତେବେଳେ ଜେଡିୟୁ ବିଜେପି ସହିତ ସରକାର ଗଠନ କରିଥିଲା, ମାତ୍ର ୨୭ ବର୍ଷ ବୟସରେ ତେଜସ୍ୱୀ ବିରୋଧୀ ଦଳର ନେତା ହୋଇଥିଲେ |