ପାଟନା: ବୁଧବାର ସନ୍ଧ୍ୟାରେ କେନ୍ଦ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ କ୍ୟାବିନେଟ ସମ୍ପ୍ରସାରଣ ହୋଇଥିବାବେଳେ ମନ୍ତ୍ରୀମାନଙ୍କୁ ସେମାନଙ୍କ ମନ୍ତ୍ରାଳୟ ମଧ୍ୟ ବଣ୍ଟନ କରାଯାଇଛି | ତେବେ ଯେଉଁ କିଛି ନେତାଙ୍କୁ ମନ୍ତ୍ରୀପଦ ମିଳିବା ନେଇ ଚର୍ଚ୍ଚା ଜୋର ଧରିଥିଲା, ସେମାନଙ୍କୁ ମନ୍ତ୍ରୀପଦ ନ ମିଳିବାରୁ ଏହାକୁ ନେଇ ସମର୍ଥକମାନେ ନିରାଶ ହୋଇଛନ୍ତି | ସେହିପରି ଭାରତୀୟ ଜନତା ପାର୍ଟି (ବିଜେପି) ନେତା ତଥା ରାଜ୍ୟସଭା ସାଂସଦ ସୁଶୀଲ ମୋଦୀ କେନ୍ଦ୍ର ମନ୍ତ୍ରୀ ହେବା ନେଇ ଚର୍ଚ୍ଚା ହେଉଥିଲେ ବି ଶେଷରେ ତାଙ୍କୁ ନିରାଶ ହେବାକୁ ପଡିଛି |
Sambad is now on WhatsApp
Join and get latest news updates delivered to you via WhatsApp
ଆଉ ଏହାକୁ ନେଇ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତଥା ଦଳର ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ଜ୍ୟେଷ୍ଠପୁତ୍ର ତେଜ ପ୍ରତାପ ଯାଦବ ସୁଶୀଲ ମୋଦୀଙ୍କୁ ଭିନ୍ନ ଢଙ୍ଗରେ ଆକ୍ଷେପ କରିଛନ୍ତି | ସେ ଟ୍ୱିଟ କରି ଲେଖିଛନ୍ତି ଯେ ମନ୍ତ୍ରୀ ଭାବେ ଶପଥ ଗ୍ରହଣ କରିବା ପାଇଁ ସୁଶୀଲ ମୋଦୀ ସିଲେଇ କରିଥିବା କୁର୍ତ୍ତା-ପାଇଜାମା ସାଇତି ରଖନ୍ତୁ | ଖୁବ ଶୀଘ୍ର ତେଜସ୍ୱୀ ଯାଦବଙ୍କ ଶପଥ ଗ୍ରହଣ ସମାରୋହରେ ଏହାକୁ ପିନ୍ଧିବେ |
ତାଙ୍କ ପାଇଁ ଏକ ଆସନ ମଧ୍ୟ ସଂରକ୍ଷିତ ରହିବ। ସୂଚନା ଥାଉ କି ଗତ ବିହାର ବିଧାନସଭା ନିର୍ବାଚନରେ ମହାଗଠବନ୍ଧନ(ଆରଜେଡି ଓ କଂଗ୍ରେସ) ବହୁମତ ଠାରୁ କିଛି ପଛରେ ପଡିଯାଇଥିଲେ | ସେବେଠାରୁ ମହାଗଠବନ୍ଧନର ନେତାମାନେ ଖୁବ ଶୀଘ୍ର ନୀତିଶଙ୍କ ସରକାରର ପାଟନା ହେବ ବୋଲି କହୁଛନ୍ତି | ଶନିବାର ଦିନ ବିରୋଧୀ ଦଳର ନେତା ତେଜସ୍ୱୀ ଯାଦବ ଏବଂ ତେଜ ପ୍ରତାପ ଯାଦବ କହିଥିଲେ ଯେ ନୀତିଶଙ୍କ ସରକାର ଖୁବ ଶୀଘ୍ର ବିଦାୟ ନେବ।