ମୋତେ ଟିକେଟ ନ ଦେଲେ…

ପାଟନା : ବିହାର ବିଧାନସଭା ନିର୍ବାଚନ-୨୦୨୫ ପାଇଁ ତାରିଖ ଏପର୍ଯ୍ୟନ୍ତ ଘୋଷଣା ହୋଇନାହିଁ କିନ୍ତୁ ରାଜନୈତିକ ଉଷ୍ମତା ବୃଦ୍ଧି ପାଇଛି। ସମସ୍ତ ଦଳ ଏବଂ ନେତା ନିଜ ନିଜ ବିଜୟ ପାଇଁ ରଣନୀତି ପ୍ରସ୍ତୁତ କରିବା ଆରମ୍ଭ କରିଦେଇଛନ୍ତି। ନୂଆ ଘଟଣାକ୍ରମେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତେଜ ପ୍ରତାପ ଯାଦବ ଦଳକୁ ଏକ ବଡ଼ ଅଲଟିମେଟମ ଦେଇଛନ୍ତି। ସେ କହିଛନ୍ତି, ଯଦି ମୋତେ ଟିକେଟ୍ ଦିଆ ନ ଯାଏ, ତେବେ ମହୁଆରୁ ଆରଜେଡି ହାରିବ। ତେଜ ପ୍ରତାପ ଯାଦବ କହିଛନ୍ତି, ମୁଁ କେବଳ ମହୁଆରୁ ନିର୍ବାଚନ ଲଢ଼ିବି। ସେ ଏକ ଟିଭି ଚ୍ୟାନେଲକୁ ସାକ୍ଷାତକାର ଦେଇ ଏହି କଥାଗୁଡ଼ିକ କହିଛନ୍ତି।

ଆଗାମୀ ବିଧାନସଭା ନିର୍ବାଚନକୁ ନେଇ ତେଜ ପ୍ରତାପ ଯାଦବ ଆକ୍ସନ ମୋଡକୁ ଆସିଛନ୍ତି। ବୈଶାଳୀ ଜିଲ୍ଲାର ମହୁଆରେ ତାଙ୍କର କାର୍ଯ୍ୟକଳାପ ବୃଦ୍ଧି ପାଇଛି। ନିକଟରେ ସେ ନିର୍ମାଣାଧୀନ ମେଡିକାଲ କଲେଜ ମଧ୍ୟ ପରିଦର୍ଶନ କରିଥିଲେ। ଏହି ସମୟରେ ସେ କହିଥିଲେ ଯେ ମହୁଆରେ ଏକ ମେଡିକାଲ କଲେଜ ନିର୍ମାଣ କରିବାକୁ ତାଙ୍କର ପ୍ରତିଶ୍ରୁତି ଥିଲା, ଯାହା ସମ୍ପୂର୍ଣ୍ଣ ହୋଇଛି। ଏହା ସହିତ, ସେ ମହୁଆରୁ ନିର୍ବାଚନ ଲଢ଼ିବା ବିଷୟରେ ମଧ୍ୟ କଥା ହୋଇଥିଲେ।