ସିଏଏ, ଏନ୍ଆରସି ଓ ଏନ୍ପିଆର୍କୁ ବିରୋଧ କରି ତେଲେଙ୍ଗାନା ବିଧାନସଭାରେ ପ୍ରସ୍ତାବ ଆଗତ
ହାଇଦ୍ରାବ।ଦ: କେନ୍ଦ୍ର ସରକାରଙ୍କ ପ୍ରସ୍ତାବିତ ନାଗରିକତା ସଂଶୋଧନ ଆଇନ (ସିଏଏ), ଜାତୀୟ ନାଗରିକ ପଞ୍ଜିକା (ଏନ୍ଆରସି) ଓ ଜାତୀୟ ଜନସଂଖ୍ୟା ପଞ୍ଜିକା (ଏନ୍ପିଆର୍)କୁ ବିରୋଧକରି ଆଜି ତେଲେଙ୍ଗାନା ରାଜ୍ୟ ବିଧାନସଭାରେ ଏକ ପ୍ରସ୍ତାବ ଗୃହୀତ ହୋଇଯାଇଛି। ଖୋଦ୍ ତେଲେଙ୍ଗାନା ମୁଖ୍ୟମନ୍ତ୍ରୀ ତଥା ତେଲେଙ୍ଗାନା ରାଷ୍ଟ୍ରୀୟ ସମିତି (ଟିଆରଏସ୍)ର ସୁପ୍ରିମୋ କେ ଚନ୍ଦ୍ରଶେଖର ରାଓ ରାଜ୍ୟ ବିଧାନସଭାରେ ସିଏଏ, ଏନ୍ଆରସି ଓ ଏନ୍ପିଆର୍କୁ ବିରୋଧ କରି ଏହି ପ୍ରସ୍ତାବ ଆଗତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ପ୍ରସ୍ତାବ ଆଗତ କରି ମୁଖ୍ୟମନ୍ତ୍ରୀ ଶ୍ରୀ ରାଓ ବିଧାନସଭାରେ କହିଥିଲେ ଯେ ରାଜ୍ୟରେ ଏନ୍ଆରସି ଓ ଏନ୍ପିଆର୍କୁ ଲାଗୁ କରାଗଲେ ରାଜ୍ୟ ବାସୀଙ୍କ ସ୍ୱାର୍ଥହାନୀ ଘଟିବାର ଆଶଙ୍କା ରହୁଛି। ସେହିପରି ସିଏଏକୁ ବିନା ସଂଶୋଧନରେ ଲାଗୁକଲେ ମଧ୍ୟ ରାଜ୍ୟବାସୀଙ୍କ ସ୍ୱାର୍ଥରେ ହାନୀ ଘଟିବ। ତେଣୁ ରାଜ୍ୟବାସୀଙ୍କ ସ୍ୱାର୍ଥକୁ ଅଗ୍ରାଧିକାର ଦେଇ ସରକାରଙ୍କ ପକ୍ଷରୁ ବିଧାନସଭାରେ ସିଏଏ, ଏନ୍ଆରସି ଓ ଏନ୍ପିଆର୍କୁ ବିରୋଧ କରି ଏହି ପ୍ରସ୍ତାବ ଆଗତ କରାଯାଉଛି ବୋଲି ମୁଖ୍ୟମନ୍ତ୍ରୀ ଶ୍ରୀ ରାଓ ଘୋଷଣା କରିଥିଲେ।
ଉଲ୍ଲେଖଯୋଗ୍ୟ, ଏହା ପୂର୍ବରୁ ପଶ୍ଚିମବଙ୍ଗ, ଦିଲ୍ଲୀ, କେରଳ, ପଞ୍ଜାବ, ମଧ୍ୟପ୍ରଦେଶ, ରାଜସ୍ଥାନ ବିଧାନସଭାରେ ବିଧାନସଭାରେ ସିଏଏ, ଏନ୍ଆରସି ଓ ଏନ୍ପିଆର୍କୁ ବିରୋଧ କରି ପ୍ରସ୍ତାବ ଆଗତ କରାଯାଇସାରିଛି।